କେଶାଇବାହାଲ କଲେଜ ରେଡକ୍ରସ ପକ୍ଷରୁ “ଜାତୀୟ ଯୁବ ଦିବସ” ପାଳିତ

କୁଚିଣ୍ଡା, (ରିଙ୍କୁ):ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡ କେଶାଇବାହାଲ ବାସୁଦେବ ଗୋଦାବରୀ ଡିଗ୍ରୀ ମହାବିଦ୍ୟାଳୟ ରେ ରେଡକ୍ରସ କାଉନସିଲର ହରେଶ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଯୁବ ରେଡକ୍ରସ୍ ଓ ରେଡ ରିବନ୍ କ୍ଲବ୍ ମିଳିତ ଆନୁକୁଲ୍ୟରେ “ଜାତୀୟ ଯୁବ ଦିବସ” ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ଅଧ୍ଯକ୍ଷ ଦୟା ସାଗର ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ସ୍ବେଚ୍ଛାସେବୀ ତଥା ମହାବିଦ୍ୟାଳୟ ର ଛାତ୍ରଛାତ୍ରୀ, ଅଧ୍ୟାପକ ଅଧ୍ୟାପିକା ମାନଙ୍କୁ ଯୁବପିଢି କୁ ଆହ୍ବାନ ଦେଇଥିଲେ ଯେ, ଆଜିର ଯୁବକ କାଲିର ଭବିଷ୍ୟତ ବୋଲି କହିଥିଲେ । ଏହି କାର୍ଯ୍ୟକ୍ରମ ରେ ରେଡକ୍ରସ କାଉନସିଲର ହରେଶ କୁମାର ସାହୁ ବିଶ୍ବ ଯୁବ ଦିବସ ପାଳନ ର ଉଦ୍ଦେଶ୍ୟ ବର୍ଣ୍ଣନା କରିବା ସହ ସ୍ଵାମୀ ବିବେକାନନ୍ଦଙ୍କୁ ନିଜ ଜୀବନର ଆଦର୍ଶ ରୁପେ ଗ୍ରହଣ କରିବା ପାଇଁ ଯୁବପିଢୀ କୁ ବାର୍ତ୍ତା ଦେଇଥିଲେ । କାର୍ଯ୍ୟକ୍ରମ ର ମୁଖ୍ୟ ବକ୍ତା ଭାବେ ଅଧ୍ୟାପକ ବିନୋଦ ବିହାରୀ ପୃଷେଠ୍ “ଦେଶ ଗଠନରେ ଯୁବ ସମାଜର ଭୁମିକା” ସମ୍ପର୍କରେ ବିସ୍ତୃତ ଆଲୋଚନା କରିଥିଲେ l ଉକ୍ତ କାର୍ଯ୍ୟକ୍ରମରେ ଯୁବ ରେଡକ୍ରସ୍ ସ୍ବେଚ୍ଛାସେବୀ ଓ ଛାତ୍ରଛାତ୍ରୀ ତଥା ଅଧ୍ୟାପିକା ଯଶୋଦା ମାଝୀ, ଅଧ୍ୟାପକ ମଳୟ ବୁଡା, ଆଲୋକ ପଟେଲ, ଦିନେଶ୍ ପଟେଲ, ନରେନ୍ଦ୍ର ନାଏକ ପ୍ରମୁଖ ଉପସ୍ଥିତ ରହିଥିଲେ ।