କୋଟଗଡ ରଡିଗୁମାରେ ୨୦ ଫୁଟ ତଳକୁ ଖସିଲା ଟ୍ରକ୍
ଫୁଲବାଣୀ, (ପ୍ରଶାନ୍ତ କୁମାର ବେହେରା):କନ୍ଧମାଳ ଜିଲ୍ଲା କୋଟଗଡ଼ ଥାନା ଅନ୍ତର୍ଗତ ଜୁଡ଼ାବାଲି ପଂଚାୟତର ରଡ଼ିଗୁମା ଠାରେ ଏକ ପୋଲ ନିକଟରେ ଆଜି ସକାଳେ ଏକ ମାଲବାହୀ ଟ୍ରାକ୍ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଛି । ଫଳରେ ଟ୍ରକଟି ପୋଲରୁ ପ୍ରାୟ ୨୦ ଫୁଟ୍ ତଳକୁ ଖସିପଡିଥିଲା । ହେଲେ ଗାଡିର ଡ୍ରାଇଭର ଓ ହେଲପର ଅଳ୍ପକେ ରକ୍ଷା ପାଇଛନ୍ତି ସେମାନଙ୍କର ସାମାନ୍ୟ ଆଘାତ ଲାଗିଥିଲେ ମଧ୍ୟ ସେମାନେ ସୁରକ୍ଷିତ ଅଛନ୍ତି । ଏହି ଟ୍ରକ୍ଟି ଫୁଲବାଣୀ ପଟରୁ ରାୟଗଡାକୁ ଯାଉଥିବାବେଳେ ଏହି ଦୁର୍ଘଟଣା ଘଟିଥିଲା । ଗାଡିଟି ଓଲଟିପଡିବାର ଶବ୍ଦରେ ସ୍ଥାନୀୟ ଲୋକେ ସେଠାରେ ପହଂଚି ସେଠାରେ ପଡିଥିବା ଗାଟିର ଡ୍ରାଇଭର ଓ ହେଲପରକୁ ସେଠାରୁ ଉଦ୍ଧାର କରି ସେମାନଙ୍କୁ କୋଟଗଡ ଚିକିତ୍ସାଳୟରେ ଭର୍ତି କରାଇଥିବା ଜଣାପଡିଛି । ଉଭୟେ ସୁସ୍ଥ ଥିବା ଜଣାପଡିଛି ।
