କୋଣାର୍କ ରେ ମାକ୍ସ ପିନ୍ଧିବା ବାଧ୍ୟତାମୂଳକ

କୋଣାର୍କ,(ଗଣେଶ ଚନ୍ଦ୍ର ବେହେରା):କରୋନା ମହାମାରୀ କୋଭିଡ ୧୯ କୁ ନିୟନ୍ତ୍ରଣ କରିବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ଲକ ଡାଉନ ନିର୍ଦ୍ଦେଶନାମା କଡାକଡି ପାଳନ କରାଯାଉଥିବା ବେଳେ କୋଣାର୍କ ପ୍ରଶାସନ ପକ୍ଷରୁ ଜନସାଧାରଣଙ୍କୁ ମାକ୍ସ ପିନ୍ଧିବା ବାଧ୍ୟତାମୂଳକ ମୂଳକ କରାଯିଵା ସହ ଗୁରୁବାର ପୂର୍ବାହ୍ନ ୧୧ଟା ସମୟରେ ୩୩ଜଣ ଵିନା ମାକ୍ସଧାରୀ ବ୍ୟକ୍ତି ଵିଶେଷ ମାନଙ୍କ ଠାରୁ ୨୦୦ଟଙ୍କା ଲେଖାଏଁ ଜୋରିମାନା ଆଦାୟ କରାଯାଇଛି। ଖବରରୁ ପ୍ରକାଶ ଯେ ଗୋପ ତହସିଲଦାର ପୃଥିରାଜ ମଣ୍ଡଳ, କୋଣାର୍କ ଏନ ଏ ସି ନିର୍ବାହୀ ଅଧିକାରୀ ଏମ ଶ୍ରୀ ନିବାସ ଓ କୋଣାର୍କ ଥାନା ଅଧିକାରୀ ରଂଜନ କୁମାର ମଲ୍ଲିକ ଙ୍କ ନେତୃତ୍ୱରେ ଗଠିତ ଏକ ଟିମ ଗୁରୁବାର କୋଣାର୍କ ଥାନା ଛକ ଠାରେ ଗାଡି ଚେକିଂ କରିବା ସହ ଵିନା ମାକ୍ସ ବ୍ୟବହାର କରିଵା ଅଭିଯୋଗ ରେ ୩୩ ଜଣ ଙ୍କୁ ୨୦୦ଟଙ୍କା ଲେଖାଏଁ ଜୋରିମାନା କରିଛନ୍ତି। କୋଣାର୍କ ପ୍ରଶାସନ ପକ୍ଷରୁ କରୋନା ମହାମାରୀ କୁ ଜୀଵନ କୁ ସୁରକ୍ଷା ପାଇଁ ଜନସାଧାରଣଙ୍କୁ ସାମାଜିକ ଦୂରତା ରକ୍ଷା କରିବା ପାଇଁ ସଚେତନତା କରାଇଥିଲେ। ଆଗାମୀ ଦିନରେ କୋଣାର୍କ ରେ ମାକ୍ସ ବ୍ୟବହାର କୁ ବାଧ୍ୟତାମୂଳକ କରାଯିବା ନେଇ ନିଷ୍ପତ୍ତି ଗ୍ରହଣ କରାଯାଇଛି ବୋଲି ଗୋପ ତହସିଲଦାର ପୃଥିରାଜ ମଣ୍ଡଳ ପ୍ରକାଶ କରିଛନ୍ତି ।