କୋରାନା ସଙ୍କଟ ବେଳେ ମାସ୍କ ବଣ୍ଟନ
ବ୍ରହ୍ମପୁର,(ଅନିଲ କୁମାର): ବ୍ରହ୍ମପୁର ଗଜପତି ନଗର ନିବାସୀ ଅବସର ପ୍ରାପ୍ତ ଇଂଞ୍ଜିନିୟର ଶ୍ରୀ ଅଭିମନ୍ୟୁ ପ୍ରଧାନ ଗଂଜାମ ଜିଲ୍ଲାର କୁର୍ମ୍ମ କ୍ଷତ୍ରିୟ ସମାଜର ସଭାପତି ତଥା ଭାରତ କୃଷି ସମାଜର ସଦସ୍ୟ ପ୍ରଭୁ ଶ୍ରୀ ରଘୁନାଥ ମା ବାଗ୍ଦେବୀ ଓ ମା ଗାୟତ୍ରୀଙ୍କୁ ଭକ୍ତି ପୁର୍ଣ ସ୍ମରଣ କରି ଏହି ମହାମାରୀ ରୋଗର ଶୀଘ୍ର ନିରାକରଣ ପାଇଁ ବିଭିନ୍ନ ସ୍ଥାନରେ ମାସ୍କ ଓ ସାନିଟାଇଜର ବଣ୍ଟନ ବ୍ୟବସ୍ଥା କରିଥିଲେ | ପୁରୁଣା ବସଷ୍ଟାଣ୍ଡ ,ଟ୍ରାଫିକ ଛକ,ଟାଟାବେଞ୍ଜ ଛକ,କାମପାଲି ଆଦି ସ୍ଥାନରେ କୋରାନା ଯୋଦ୍ଧା ଆଇ.ଆଇ.ସି ସୁନୀଲ କୁମାର ବେହେରା ଓ ପୋଲିସ କର୍ମଚାରୀଙ୍କ ଉପସ୍ତିତିରେ ଡି.ଏସ .ପି କୋରାନା ଯୋଦ୍ଧା ଶ୍ରୀମାନ ବିମଳ କାନ୍ତ ନାୟକଙ୍କ ନିର୍ଦେଶରେ ଯୁବ ସମାଜ ସେବି ରାକେଶ ପ୍ରଧାନ,ଇଂଞ୍ଜିନିୟର ଶ୍ରୀ ପ୍ରଧାନଙ୍କ ପୁତ୍ର ମାସ୍କ ବଣ୍ଟନ କରିଥିଲେ | ଏହି ଅବସରରେ ଇଂଞ୍ଜିନିୟର ଶ୍ରୀ ପ୍ରଧାନ କହିଛନ୍ତି ପ୍ରଶାସନର ଆଦେଶ ଓ ନିୟମାବଳୀ ପାଳନ କରି ରହିଲେ ଏହି ମହାମାରୀ କବଳରୁ ମୁକ୍ତି ପାଇପାରିବା | ଏହା ସହ ନିରାକରଣ କରୁଥିବା ପ୍ରଶାସନିକ ଅଧିକାରୀ ପୋଲିସ,ସାମ୍ବାଦିକ,ସମାଜସେବୀ ବନ୍ଧୁ ମାନଙ୍କୁ ଇଂଞ୍ଜିନିୟର ଶ୍ରୀ ପ୍ରଧାନ ଧନ୍ୟବାଦ ଓ ସୂବେଚ୍ଛା ଜଣାଇଛନ୍ତି |
