କୋରାପୁଟ ଜିଲ୍ଲା ଓକିଲ ସଂଘ ନିର୍ବାଚନ। ସଭାପତି ହେଲେ ସରୋଜ

କୋରାପୁଟ,(ହେମନ୍ତ ପାଣଗ୍ରାହୀ) : କୋରାପୁଟ ଜିଲ୍ଲା ଓକିଲ ସଂଘର ନିର୍ବାଚନ ଜିଲ୍ଲା ବିଚାର ବିଭାଗୀୟ ଅଦାଲତ କୋଠା ଠାରେ ଅନୁଷ୍ଠିତ ହୋଇଯାଇଛି। ସଭାପତି ପଦବୀ ପାଇଁ ସରୋଜ ଦାଶ, ଅଜିତ କୁମାର ସାହୁ ମୁନା ସିଂ ଲାଲ୍ ୩ ଜଣଙ୍କ ମଧ୍ୟରେ ପ୍ରତିଦ୍ବନ୍ଦିତା ହୋଇଥିବା ବେଳେ ନିର୍ବାଚନରେ ସର୍ବାଧିକ ୨୬୮ ଖଣ୍ଡ ଭୋଟ ପାଇ ସରୋଜ ଦାଶ ସଭାପତି ଭାବେ ନିର୍ବାଚିତ ହୋଇଛନ୍ତି। ସେହିଭଳି ଉପସଭାପତି ଭାବେ ନବୀନ କୁମାର ସାହୁ ତାଙ୍କର ନିକଟତମ ପ୍ରତିଦ୍ୱନ୍ଦି ପ୍ରାସାଦ ଚନ୍ଦ୍ର ବିଡିକା ଙ୍କ ଠାରୁ ୨୩୦ ଖଣ୍ଡ ଭୋଟ ଅଧିକ ପାଇ ନିର୍ବାଚିତ ହୋଇଛନ୍ତି,ସମ୍ପାଦକ ଭାବେ ସଚ୍ଚିଦାନନ୍ଦ ମିଶ୍ର, ମୋଟ ୩୦୯ ଖଣ୍ଡ ଭୋଟ ପାଇ ନିର୍ବାଚିତ ହୋଇଛନ୍ତି,କୋଷାଧ୍ୟକ୍ଷ ଶୈଳେଶ ମାଦଳା ନିକଟତମ ପ୍ରତିଦ୍ବନ୍ଦୀ ଭେଡା ରମନୁଜ ପ୍ରସାଦଙ୍କ ଠାରୁ ୧୬ ଖଣ୍ଡ ଅଧିକ ଭୋଟ ପାଇ ନିର୍ବାଚିତ ହୋଇଥିବା ବେଳେ ଓ ଯୁଗଳ କିଶୋର ପଟ୍ଟନାୟକ ନିକଟତମ ପ୍ରତିଦ୍ବନ୍ଦୀ ସହକର ଅଲ୍ଲି ଙ୍କ ଠାରୁ ୧୫୪ ଖଣ୍ଡ ଭୋଟ ପାଇ ଲାଇବ୍ରେରୀ ସମ୍ପାଦକ ଭାବେ ନିର୍ବାଚିତ ହୋଇଥିବା ନିର୍ବାଚନ ଅଧକାରୀ ଦାଶରଥି ପଟନାୟକ ସୂଚନା ଦେଇଛନ୍ତି।କୋରାପୁଟ ଜିଲ୍ଲା ଓକିଲ ସଂଘର ସଭାପତି ଭାବେ ଶ୍ରୀ ଦାଶ ବିଜୟ ହୋଇଥିବାରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଛନ୍ତି।ଆଗାମୀ ଦିନରେ ସଂଘର କାର୍ଯ୍ୟ ସହିତ ସାମାଜିକ ଦାୟିତ୍ବବୋଧକୁ ନେଇ କାର୍ଯ୍ୟ କରାଯିବ ବୋଲି ସେ ଗଣ ମାଧ୍ୟମ କୁ କହିଛନ୍ତି।