କ୍ଷତିଗ୍ରସ୍ତ ଚାଷୀଙ୍କୁ ସହାୟତା ପାଇଁ ଘୁମୁସର ସଂଘର୍ଷ ସମିତିର ଦାବିପତ୍ର

ଭଞ୍ଜନଗର,(ସନ୍ତୋଷ କୁମାର ଜେନା):ଅଦିନିଆ ଲଗାଣ ବର୍ଷା ଯୋଗୁ ଘୁମୁସର ଅଞ୍ଚଳର ଚାଷୀକୂଳଙ୍କ ସ୍ଥିତି ଦୋହଲି ଯାଇଛି। ପ୍ରାୟ ଚାଷୀ ଧାନ କାଟି ଜମିରେ ପକାଇ ରଖିଥିବା ବେଳେ ବର୍ଷା ଯୋଗୁ ସମ୍ପୂର୍ଣ୍ଣ ପାଣିରେ ବୁଡି ତାହା ନଷ୍ଠ ହୋଇଯାଇଛି। ଅଧିକାଂଶ ଜମିରେ ଧାନ କଟା ହୋଇ ରହିଥିବା ବେଳେ ଶ୍ରମିକଙ୍କ ମଧ୍ୟ ଅଭାବ ପରିଲିକ୍ଷିତ ହୋଇଛି। ଯାହା ଫଳରେ ପଡି ରହିଥିବା କଟା ଧାନକୁ ସୁରକ୍ଷିତ ସ୍ଥାନକୁ ଆଣିବାରେ ଚାଷୀମାନେ ଅସମର୍ଥ ହୋଇପଡିଛନ୍ତି। ବର୍ଷ ସାରାର କଷ୍ଟଅର୍ଜିତ ସମ୍ପତ୍ତି ଚାଷୀ ହରାଇବାକୁ ଯାଉଥିବା ବେଳେ ସରକାର କଟା ଧାନକୁ ସୁରକ୍ଷିତ ରଖିବାକୁ ପାଲ ମଧ୍ୟ ଯୋଗାଇ ପାରିନଥିବା ବେଳେ ତୁରନ୍ତ ସମସ୍ତ କ୍ଷତିଗ୍ରସ୍ତ ଚାଷୀଙ୍କୁ ଆର୍ଥିକ ସହାୟତା ପ୍ରଦାନ କରିବାକୁ ଘୁମୁସର ସଂଗ୍ରାମ ସମିତିର ଆବାହକ ଆଇନଜୀବୀ ଖରାଂଶୁ ଶେଖର ଦାସ ଉପଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି।