କ.ନୂଆଗାଁ ବ୍ଲକ ରେ ମହିଳା ବିଜେଡିର ପ୍ରସ୍ତୁତି ବୈଠକ: ବହୁ ମହିଳା କଂଗ୍ରେସ କର୍ମୀ ବିଜେଡିରେ ସାମିଲ

ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜିଲ୍ଲା ବାଲିଗୁଡା ନିର୍ବାଚନ ମଣ୍ଡଳୀ କ. ନୂଆଗାଁ ବ୍ଲକରେ ମହିଳା ବିଜେଡି ତରଫରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ଏହି ପ୍ରସ୍ତୁତି ବୈଠକ ରେ ଜିଲ୍ଲା ମହିଳା ସଭାନେତ୍ରୀ ଶ୍ରୀମତୀ ପୁନମ କହଁର ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ବାଲିଗୁଡା ବିଧାୟକ ଚକ୍ରମଣି କହଁର, ରାଜ୍ୟ କାର୍ଯ୍ୟ କାରିଣୀ କମିଟି ର ସଦସ୍ୟ କୃଷ୍ଣ ମୋହନ ପାଣିଗ୍ରାହୀ, ବ୍ଲକ ବିଜେଡି ସଭାପତି ବାସୁଦେବ ପଣ୍ଡା ଓ ଅନ୍ୟାନ୍ୟ କର୍ମକର୍ତା ଉପସ୍ଥିତ ଥିଲେ । ଉକ୍ତ ବୈଠକରେ କ.ନୂଆଗାଁ ବ୍ଲକର ଗୁଞ୍ଜିବାଡି ପଞ୍ଚାୟତ ଓ ଜିରିଡିକିଆ ପଞ୍ଚାୟତ ର ଅନେକ କଂଗ୍ରେସ କର୍ମୀ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦକ୍ଷ ଶାସନ ରେ ବିମୋହିତ ହୋଇ ବିଜେଡିରେ ଯୋଗ ଦେଇଥିଲେ । ସେମାନଙ୍କ ମଧ୍ୟରୁ ଲଳିତା ପ୍ରଧାନ ଯେ କି ଗୁଞ୍ଜିବାଡି ପଞ୍ଚାୟତ ର ଜଣେ ବିଶିଷ୍ଟ ସଭାନେତ୍ରୀ ଥିଲେ । ଏଥି ସହିତ ଅଞ୍ଚଳ ର ବହୁ ମହିଳା ମାନେ ଯୋଗ ଦେଇ ଆଗାମୀ ଦିନ ରେ କିପରି ଏକ ସଶକ୍ତ ମହିଳା ଦଳ ଗଠନ ହୋଇପାରିବ, ସେ ସମ୍ପର୍କରେ ଆଲୋଚନା କରି ସଭା ଟିକୁ ସଫଳ କରିଥିଲେ ।