ଗଂଜାମ ମହାବିଦ୍ୟାଳୟ ଛାତ୍ରୀ ସମୀକ୍ଷା ଦାସଙ୍କ ଗୌହାଟୀ ଯାତ୍ରା

ଗଂଜାମ, (ବିନୋଦ ପଲେଇ):ଗଞ୍ଜାମ ମହାବିଦ୍ୟାଳୟର ଯୁକ୍ତ ତିନି କଳା(ଇଂରାଜୀ ସମ୍ମାନ) ଛାତ୍ରୀ ସମୀକ୍ଷା ଦାସ ଅନ୍ତଃବିଶ୍ୱବିଦ୍ୟାଳୟ ବ୍ୟାଡମିଣ୍ଟନ ପ୍ରତିଯୋଗିତା ରେ ଭାଗନେବା ପାଇଁ ଆସାମ ପ୍ରଦେଶର ଗୌହାଟୀ ଯାତ୍ରା କରିଛନ୍ତି।।ଗତ ୮ ତାରିଖରୁ ୯ ତାରିଖ ଦୁଇଦିନଧରି ଅନୁଷ୍ଠିତ ହୋଇଯାଇଥିବା ଅନ୍ତଃମହାବିଦ୍ୟାଳୟ ବ୍ୟାଡମିଣ୍ଟନ ପ୍ରତିଯୋଗିତା ରେ ଗଞ୍ଜାମ କଲେଜ ବ୍ୟାଡମିଣ୍ଟନ ଦଳ ଏନ ସି ସି କ୍ୟାପଟେନଡ଼ଃ ଦୁର୍ଗା ପ୍ରସାଦ ଦାସ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ବ୍ରହ୍ମପୁର ବିଶ୍ଵବିଦ୍ୟାଳରେ ଅନୁଷ୍ଠିତ ହୋଇଯାଇଥିବା ପ୍ରତିଯୋଗିତାରେ ଭାଗନେଇ ସଫଳତାର ପ୍ରଦର୍ଶନ କରି ଫେରିଥିଲେ ।ଏହି ଦଳରେ ଛାତ୍ରୀ ସମୀକ୍ଷା ଦାସଙ୍କ ସହ ଯୁକ୍ତ ତିନି ବିଜ୍ଞାନ ଦ୍ୱିତୀୟ ବର୍ଷ(ପଦାର୍ଥ) ଛାତ୍ରୀ ସିମରନ ଗୌଡ଼ ଭାଗ ନେଇଥିଲେ।ସେମାନଙ୍କ ମଧ୍ୟରୁ ସମୀକ୍ଷା ୧୯ ତାରିଖରେ ହେବାକୁ ଥିବା ଅନ୍ତଃ ବିଶ୍ୱବିଦ୍ୟାଳୟ ପ୍ରତିଯୋଗିତାରେ ଭାଗ ନେବାପାଇଁ ରୟାଲ ଗ୍ଲୋବାଲ ବିଶ୍ୱବିଦ୍ୟାଳୟ ଗୌହାଟୀ ଯାତ୍ରା କରିଛନ୍ତି। ଏନେଇ ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ପ୍ରବୀଣ କୁମାର ନନ୍ଦ ଙ୍କ ସମେତ ଅଧ୍ୟାପକ,ଅଧ୍ୟାପିକା ,କର୍ମଚାରୀ ଓ ବିଦ୍ୟାର୍ଥି ମାନେ ଶୁଭେଛା ଜଣାଇଛନ୍ତି ।