ଗଂଜେଇ ଜବତ ,୧ ଗିରଫ
ବ୍ରହ୍ମପୁର,(ଯୁଗାବ୍ଦ ନ୍ୟୁଜ୍): ବ୍ରହ୍ମପୁର ପୋଲିସ ତରଫରୁ ସହରର ବିଭିନ୍ନ ଛକ ସ୍ଥାନ ଗୁଡିକରେ ମୋଟର ଯାନ ଚେକିଂ ଜୋରଦାର ଚାଲିଥିବା ବେଳେ ବୁଧବାର ମୋଟର ଗାଡିରେ ଗଂଜେଇ ଚାଲାଣ କରୁଥିବା ଜଣେ ଯୁବକ ପୋଲିସ ଚେକିଂ ବେଳେ ବ୍ରହ୍ମପୁର ସହରର ଫାଷ୍ଟଗେଟ୍ ନିକଟରେ ଧରାପଡିଛି । ଯୁବକ ଜଣକ ପରିଚୟ ସିଙ୍ଗିପୁର ଅଂଚଳର ଶିବରାମ ବିଶୋୟୀ ବୋଲି ଜଣାପଡିଛି । ମିଳିଥିବା ଖବର ଅନୁଯାୟୀ ପୋଲିସ ତରଫରୁ ଜୋରଦାର ମୋଟରଗାଡି ଚେକିଂ ଚାଲିଥିବା ବେଳେ ଶିବରାମ ବିଶୋୟୀ ମୋଟର ଗାଡି ନଂ ଓଡିଜିରୋ୭ଜେ୬୭୭୯ରେ ଗଂଜେଇ ଏକ ଧୋତିରେ ବାନ୍ଧି ଯାତ୍ରା କରୁଥିବା ସମୟରେ ପୋଲିସର ଚେକିଂରେ ଧରାପଡିଥିଲେ । ପୋଲିସ ଶିବରାମ ଠାରୁ ୯କେଜି ୩୦୦ ଗ୍ରାମ ଗଂଜେଇ ଜବତ କରିବା ସହ ଶିବକୁ ଗିରଫ କରିଛି ।
