ଗଉଞ୍ଜୁ ଠାକୁରାଣୀ ଯାତ୍ରା ଆରମ୍ଭ ଅସ୍ଥାୟୀ ମଣ୍ଡପରେ ମା’ ପୁଲୁକେଶୁଣି

ବ୍ରହ୍ମପୁର,(ଅନିଲ କୁମାର): ବ୍ରହ୍ମପୁର ଉପକଣ୍ଠସ୍ଥ ଗଉଞ୍ଜୁ ଗ୍ରାମ ରେ ଆରମ୍ଭ ହୋଇଥିବା ମା’ପୁଲୁକେଶୁଣି ଯାତ୍ରା ଅବସର ରେ ସ୍ଥାନୀୟ ଅଞ୍ଚଳ ଚଳ ଚଞ୍ଚଳ ହୋଇ ଉଠିଛି। ପୂର୍ବ ନିର୍ଦ୍ଧାରିତ ତିଥି ଅନୁଯାୟୀ ବୁଧବାର ରାତ୍ରୀ ୯ .୨୦ମିନିଟରେ ପୁରୋହିତ କୃଷ୍ଣଚନ୍ଦ୍ର ପାଢ଼ୀ ଓ ପିତାମ୍ବର ପାଢ଼ୀଯଥାରୀତି ପୂଜାବିଧି କରି ମନ୍ଦିର କୁ ଯାଇ ମା’ଙ୍କୁ ନିମନ୍ତ୍ରଣ କରିଥିଲେ।ବାଜାବାଜଣା,ଢୋଲ ମହୁରୀ, ନାମ ସଂକୀର୍ତ୍ତନ ଓ ଶଙ୍ଖ ଧ୍ୱନୀ ସହ ମା ଗ୍ରାମ ପରିକ୍ରମା କରିଥିଲେ।ସମସ୍ତ ଗ୍ରାମ ବାସୀ ନିଜ ଘର ସମ୍ମୁଖ ରେ ପୂର୍ଣ କୁମ୍ଭ ବାଢିବା ବେଳେ ମାନସିକ ଧାରୀ ମାନେ ପାହାଡା ପଡିବାର ଦେଖିବାକୁ ମିଳିଥିଲା। ରାତ୍ରୀ ର ବିଳମ୍ବିତ ପ୍ରହର ରେ ମା ଅସ୍ଥାୟୀ ମଣ୍ଡପ ରେ ବିଜେକଲେ। ଜନଶ୍ରୁତି ହିସାବ ରେ ପ୍ରାୟ ୩୦୦ ବର୍ଷ ଧରି ଚାଲିଥିବା ଏହି ଯାତ୍ରା ର ଅନେକ ମହତ୍ତ୍ୱ ରହିଛି।୧୧ ଦିନ ଧରି ହେବାକୁ ଥିବା ଏହି ଯାତ୍ରା ରେ ପ୍ରହଲ୍ଲାଦ ନାଟକ, ଦାସ କାଠିଆ,ଲକ୍ଷ୍ମୀ ମାନ ଭଞ୍ଜନ ଭଳି ଲୋକ ନୃତ୍ୟ ପରିବେଷଣ ହେବାକୁ ଥିବା ବେଳେ ।ଶାମେଶ୍ଵର ନାଟ୍ୟ ସଂସଦ ର କେତେ ଦୁଃଖ ଦେବୁ କହ ଦଇବ ବିପିନ ଚନ୍ଦ୍ର ପାଢ଼ୀ ଙ୍କ ନିର୍ଧେସନା ଅନୁଷ୍ଠିତ ହେବ। ନିର୍ଧେଶକ କୃଷ୍ଣ ଚନ୍ଦ୍ର ରଣା ଓ ପ୍ରଦୀପ କୁମାର ଚୌଧୁରୀ ମିଳିତ ନିର୍ଧେସନା ରେ ଆଖିପାଖେ ଲୁହ ବନ୍ଧପଡିଛି
ଅରବିନ୍ଦ ଯୁବକ ସଙ୍ଘ ପରିବେଷଣ କରିବ।ସେହିପରି ପୁଲୁକେଶୁଣି ନାଟ୍ୟ ନିକେତନ ଦ୍ୱାରା ଆୟୋଜିତ ସେଇ ଗୋଟିଏ ଭୁଲ ପାଇଁ କୁ ନିର୍ଧେଶକ ସୁରେନ୍ଦ୍ରନାଥ ପାଣିଗ୍ରାହୀ ଓ ବଳରାମ ମହାରଣା ନିର୍ଧେସନା ଦେବେ।
ଆଶ୍ୱିନ ମାସ ଶୁକ୍ଳ ପକ୍ଷ ସପ୍ତମୀ ରୁ ଆରମ୍ଭ ହୋଇଥିବା ଏହି ଠାକୁରାଣୀ ଯାତ୍ରା ଆସନ୍ତା କାର୍ତିକ ମାସ କୃଷ୍ଣ ପକ୍ଷ ତୃତୀୟା ପର୍ଯ୍ୟନ୍ତ ଚାଲିବ ବୋଲି ଆୟୋଜକ କମିଟି କହିଛନ୍ତି।