ଗଛ ପଡି ରାସ୍ତା ଅବରୋଧ

ଯୋଡା,(ସମୀର କୁମାର ଦାସ): ଯୋଡା ପୌରପାଳିକାର ୨ ନଂ ୱାର୍ଡ ରେ ଏକ ବଡଗଛ ରାସ୍ତାରେ ପଡିବାରୁ ରାସ୍ତା ଅବରୋଧ ହୋଇଥିଲେ ହେଁ, ପୌରପାଳିକା ପକ୍ଷରୁ ଦୃଷ୍ଟି ଦିଆଯାଉନଥିବା ଅଭିଯୋଗ ହୋଇଛି । ଯୋଡା ବିକାଶ ପରିଷଦର ସଭାପତି ନିରଞ୍ଜନ ବହିଦାର ଅଭିଯୋଗରେ କହିଛନ୍ତି ଯେ, ଗତ ମଙ୍ଗଳବାର ଝଡ ତୋଫାନରେ ୨ ନଂ ୱାର୍ଡ ର ମହାକୁଡ ସାହି ରାସ୍ତାକଡରେ ଥିବା ଏକ ବଡଗଛ ରାସ୍ତା ଉପରେ ପଡିଥିଲା । ଫଳରେ ଉକ୍ତ ରାସ୍ତାଦେଇ ଛୋଟବଡ ଯାନବାହାନ ଚଳାଚଳ ବନ୍ଦ ହୋଇଯାଇଥିଲା । ଏପରିକି ବାଇକ୍ ଯୋଗେ ଯାତାୟାତ କରିବା ମଧ୍ୟ ବନ୍ଦ ହୋଇଯାଇଥିଲା । ୨ ଦିନ ଧରି ରାସ୍ତା ଅବରୋଧ ହୋଇ ରହିଥିବାରୁ ସ୍ଥାନୀୟ ୱାର୍ଡବାସୀ ବହୁ ଅସୁବିଧାର ସମ୍ମୁଖୀନ ହେଉଥିବାବେଳେ ଏହାକୁ ଉଠାଇବା ପାଇଁ ପୌରପାଳିକା ପକ୍ଷରୁ ଦୃଷ୍ଟି ଦିଆଯାଉ ନଥିବା ଅଭିଯୋଗ କରିଛନ୍ତି । ଏ ଦିଗରେ ଶୀଘ୍ର ପଦକ୍ଷେପ ନେବାପାଇଁ ଅଂଚଳବାସୀ ଦାବି କରିଛନ୍ତି ।