ଗଜପତିରେ ପୁଣି ଗଂଜେଇ ଜବତ

ପାରଳାଖେମୁଣ୍ଡି, -(ତାରିଣୀ ପ୍ରସାଦ ପଣ୍ଡା) ଗଜପତି ଜିଲ୍ଲା ପୋଲିସ ପୁଣି ଗଂଜେଇ ଚୋରା ଚାଲାଣ ପାଇଁ ରଖାଯାଇଥିବା ବେଳେ ଗଂଜେଇ ଧରିବାରେ ସକ୍ଷମ ହୋଇଛନ୍ତି । ୧୮୦ କିଲୋ ଗଂଜେଇ ୧୧ଗୋଟି ବସ୍ତା ସହ ଚୋରା ଚାଲାଣ ପାଇଁ ପ୍ରସ୍ତୃତ ହୋଇଥିବା ବେଳେ ପୋଲିସ ଜବତ କରିବା ସହ ଜଣକୁ ଗିରଫ କରିଛି । ଘଟଣାରୁ ପ୍ରକାଶ ଗଜପତି ଜିଲ୍ଲା ମୋହନା ଥାନା ଅଂଚଳର ବଡ଼ ସିନ୍ଧବା ଗ୍ରାମ ନିକଟରେ ଗତକାଲି ମଧ୍ୟାହ୍ନରେ ମୋହନା ପୋଲିସ ଏହି ଗଂଜେଇକୁ ଜବତ କରିଛି । ମୋହନା ବ୍ଲକର ମର୍ଦମୁଳି ଗ୍ରାମର ଗୁରୁବାରି ମାଝୀ ଗତକାଲି ଦିନ ଗୋଟିଏ ବେଳେ ୧୧ଗୋଟି ବସ୍ତାରେ ୧୮୦ କିଲୋ ଗଂଜେଇ ଧରି ବଡ ସିନ୍ଧବା ଗ୍ରାମ ନିକଟରେ ଚୋରା ଚାଲଣ ପାଇଁ କୌଣସି ଏକ ଗାଡି଼କୁ ଅପେକ୍ଷା କରିଥିଲା । ଏହି ସମୟରେ ମୋହନା ପୋଲିସର ଆଖିରେ ପଡିବା ପରେ ସନେ୍ଧହରେ ପୋଲିସ ତଦନ୍ତ କରିଥିଲା । ପରେ ଜଣାଗଲା ୧୧ଗୋଟି ବସ୍ତାରେ ୧୮୦କିଲୋ ଗଂଜେଇ ରହିଛି । ଏହି ଘଟଣାରେ ଚୋରା ଚାଲାଣ କରିବା ପାଇଁ ଗଂଜେଇ ସହ ପ୍ରସ୍ତୁତ ଥିବା ଗୁରୁବାରୀ ମାଝୀକୁ ପୋଲିସ ଗିରଫ କରିଛି । ଏହି ଗଂଜେଇର ଆନୁମାନୀ ମୂଲ୍ୟ ୧୦ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାଯାଇଛି । ଗଜପତି ଜିଲ୍ଲା ଆର.ଉଦୟଗିରି ଏଡିପିଓ ଅଶୋକ କୁମାର ମହାନ୍ତି ଏଥିନେଇ କହିଛନ୍ତି ମୋହନ ପୋଲିସ ଥାନାରେ ଗଂଜେଇ ଚୋରା ଚାଲାଣ ନେଇ ଏକ ମକଦମା ରୁଜୁ କରାଯିବା ସହ ଏଥିରେ ସଂପୃକ୍ତ ଚୋରା ଚାଲାଣକାରୀ ଗୁରୁବାରୀ ମାଝୀକୁ ମୋହନା କୋର୍ଟରୁ ଚାଲାଣ କରାଯାଇଛି । ଏହି ସାମ୍ବାଦିକ ସମ୍ମିଳନୀରେ ଆର.ଉଦୟଗିରି ଏସଡିପିଓ ଅଶୋକ କୁମାର ମହାନ୍ତିଙ୍କ ସହ ମୋହନା ଥାନାଅଧିକାରୀ ସୁଜିତ କୁମାନ ନାୟକ ଏବଂ ମୋହନା ଥାନାର କର୍ମଚାରୀ ଉପସ୍ଥିତ ଥିଲେ ।