ଗଜପତିରେ ଶେଷ ପର୍ଯ୍ୟାୟ ନିର୍ବାଚନ ତାଲିମ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଆସନ୍ତା ସାଧାରଣ ନିର୍ବାଚନକୁ ଆଖିରେ ରଖି ଗଜପତି ଜିଲ୍ଲାପାଳ ସ୍ମୃତି ରଞ୍ଜନ ପ୍ରଧାନଙ୍କ ନିର୍ଦେଶ ମୁତାବକ ଜିଲ୍ଲାର ସମସ୍ତ ବ୍ଲକରେ ନିର୍ବାଚନରେ ନିୟୋଜିତ ସମସ୍ତ ପୋଲିଙ୍ଗ ଅଫିସର ଙ୍କ ଲାଗି ଶେଷ ପର୍ଯ୍ୟାୟ ତାଲିମ ଦିଆଯାଇଛି |ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହର ସମେତ ଜିଲ୍ଲାର 7 ଗୋଟି ବ୍ଲକ ଯଥା ମୋହନା, ଆର. ଉଦୟଗିରି, ନୂଆଗଡ, ରାୟଗଡ଼, ଗୋଶାଣୀ, ଗୁମ୍ମା ଆଦି ବ୍ଲକରେ ଏହି ତାଲିମ୍ ଦିଆ ଯାଇଛି. ସେହିପରି କାଶୀନଗର ବ୍ଲକର ଶ୍ରୀରାମ ଡିଗ୍ରୀ କଲେଜରେ ଭିଛ ତାଲିମ ଗତ ଚାରିଦିନ ହେଲା ଚାଲୁଛି | ଏହି ତାଲିମ କେନ୍ଦ୍ରର ଦାୟିତ୍ୱରେ କାଶୀନଗର ତହସିଲଦାର ଅଶୋକ ପ୍ରଧାନ, ଜିଲ୍ଲା ନିଯୁକ୍ତି ଅଧିକାରୀ ବିଡ଼ିଓ ଦମ୍ବୁରୁଧର ମଲ୍ଲିକ, ସହକାରୀ ଯନ୍ତ୍ରୀ ନାରାୟଣ ପାଢ଼ୀ, ଯୋଗ ଦେଇଥିଲେ | ବିଡ଼ିଓ ଶ୍ରୀ ମଲ୍ଲିକ ପ୍ରଥମେ ସୂଚନା ଦେଇଥିଲେ | ଶିକ୍ଷାର୍ଥୀଙ୍କୁ ତାଲିମ ଦେବା ପରେ ପରୀକ୍ଷା ମଧ୍ୟ ଦେବେ |
