ଗଜପତିର କେନ୍ଦୁଘାଟିରେ ୨ ବାଇକ ଧକ୍କା, ଜଣେ ମୃତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) : ଗଜପତି ଜିଲ୍ଲା ରାୟଗଡ ବ୍ଲକ ଅନ୍ତର୍ଗତ କେନ୍ଦୁଘାଟି ନିକଟରେ ଆଜି ଶନିବାର ଦୁଇ ବାଇକ ମୁହାଁମୁହିଁ ଧକ୍କା ହେଇଛି। ଦୁର୍ଘଟଣା ସ୍ଥଳରେ ଜଣଙ୍କ ମୁତ୍ଯୁ ଘଟିଥିବା ବେଳେ ଜଣେ ଗୁରୁତ୍ବର ହୋଇଥିବା ଦେଖିବାକୁ ମିଳିଛି। ମୃତ୍ତକ ଜଣକ ନୂଆଗଡ଼ ବ୍ଲକର ଉଦୟପୁର ପଞ୍ଚାୟତ ଦୁମୁକୁଳି ଗ୍ରାମର ସୁରେନ୍ଦ୍ର ରଇତ ହୋଇଥିବା ବେଳେ। ଗୁରୁତ୍ବର ଜଣକ ଆସିକା ଅଞ୍ଚଳରୁ ଆସି ନୂଆଁଗଡ ବ୍ଲକରେ ଗ୍ୟାରେଜ୍ କରିଥିବା ବିଦେଶି ସେଠୀ ବୋଲି ଜଣାପଡିଛି। ମୃତ୍ତକ ବ୍ୟକ୍ତି ଦୁମୁକୁଳିରୁ କୁଜାସିଂ ଯାଉଥିବା ବେଳେ ଆହତ ବ୍ୟକ୍ତି ରାୟଗଡରୁ ନୂଆଁଗଡ ଯାଉଥିଲେ । ରାୟଗଡ ଥାନା ଅଧିକାରୀ ଘଟଣାସ୍ଥଳକୁ ପହଞ୍ଚି ଆହତଙ୍କୁ ଉଦ୍ଧାର କରିବା ସହ ରାୟଗଡ ଗୋଷ୍ଟି ସ୍ୱାସ୍ଥ୍ୟକେନ୍ଦ୍ରକୁ ନେଇ ଚିକିତ୍ସା କରାଇଥିବା ଜଣାପଡିଛି।