ଗଞ୍ଜାମ ପୃଥକ ପୃଥକ ଦୁର୍ଘଟଣାରେ ଦୁଇ ମୃତ୍ୟୁ , ଦୁଇ ଗୁରୁତର

ଗଞ୍ଜାମ, (ବିନୋଦ ପଲାଇ):ଗଞ୍ଜାମ ଥାନା ଇଲାକାରେ ଆଜି ପୃଥକ ପୃଥକ ଦୁର୍ଘଟଣାରେ ଦୁଇଜଣଙ୍କର ମୃତ୍ୟୁ ଘଟିଥିବା ବେଳେ , ଦୁଇଜଣ ଗୁରୁତର ଆହତ ହୋଇଥିବା ଜଣାପଡିଛି। ଗଞ୍ଜାମ ଥାନା ସମ୍ମୁଖରେ ଜତୀୟ ରାଜପଥ (୧୬) ରେ ବାଇକକୁ ଏକ କାର ଧକ୍କା ଦେବା ଫଳରେ ଜଣକର ମୃତ୍ୟୁ ଘଟିଥିବାବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି l ମୃତ ଜଣକ ହେଲେ ଅଗସ୍ତିନୁଆଁ ଗାଁର ବିଶ୍ୱନାଥ ନାହାକ (୪୩) l ଆହତ ମାନେ ହେଲେ ଅଗସ୍ତିନୂଆଗାଁ ର ହରି ନାହାକ ଓ ବଡଚକଳା ଗ୍ରାମର ଶିବରାମ ସ୍ବାଇଁ l ବିଶ୍ୱନାଥ, ହରି ଓ ଶିବ ଏକ ପଲସର ବାଇକ ନଂ( OD07 AS 1117 ) ଯୋଗେ ପାଳିବନ୍ଧ ନିକଟ ଋଷୁକୁଲ୍ୟା ନଦୀ ମୁହାଣରେ ଥିବା ମା ଗଙ୍ଗଦେବୀ ଯାତ୍ର ଦେଖି ଫେରୁଥିବା ବେଳେ ଭୁବନେଶ୍ୱରରୁ ବ୍ରହ୍ମପୁର ଅଭିମୁଖେ ଆସୁଥିବା ଏକ କାର ନଂ( KA01 MP 1894 )ବାଇକ କୁ ଧକ୍କା ଦେଇଥିଲା ଫଳରେ ତିନି ଜଣ ଗୁରୁତର ଆହତ ହୋଇଥିଲେ l ଘଟଣା ସ୍ଥଳରେ ଗଞ୍ଜାମ ଥାନା ପୋଲିସ ପହଞ୍ଚି ଆହତ ମାନଙ୍କୁ ପ୍ରଥମେ ଛତ୍ରପୁର ମେଡିକାଲକୁ ପଠାଇଥିଲେ l ପରେ ଅଧିକ ଚିକିତ୍ସା ନିମନ୍ତେ ସେମାନଙ୍କୁ ବ୍ରହ୍ମପୁର ବଡ଼ ମେଡିକାଲକୁ ପଠାଯାଇଥିଲା l ସେଠାରେ ଚିକିତ୍ସାଧିନବେଳେ ବିଶ୍ୱନାଥଙ୍କ ମୃତ୍ୟୁ ଘଟିଥିଲା l ପୋଲିସ ଘଟଣା ସ୍ଥଳରୁ କାର ଓ ବାଇକ କୁ ଜବତ କରିବା ସହ କାର ଡ୍ରାଇଭରକୁ ଅଟକ ରଖି ତଦନ୍ତ ଆରମ୍ଭ କରିଛି l ସେହିପରି ଗଞ୍ଜାମ ଥାନା ଠାରୁ କିଛି ଦୂରରେ ଜତୀୟ ରାଜ ପଥ (୧୬) ର ସୂର୍ଯ୍ୟନାରାୟଣ ପୁର ଛକ ନିକଟ ରେ ଏକ ଅଟୋ ବ୍ରହ୍ମପୁର ଅଭିମୁଖେ ଯାଉଥିବା ବେଳେ ଏକ କୁକୁର ଗାଡି ସମ୍ମୁଖକୁ ଆସିଯିବାରୁ ଅଟୋଟି ଡିଭାଇଡ଼ର ଉପରକୁ ଚାଲିଯାଇଥିଲା। ସେହି ସମୟରେ ହୁମ୍ମା ଆଡୁ ଆସୁଥିବା ଏକ ବାଇକ ଭାରସାମ୍ୟ ହରାଇ ଅଟୋକୁ ପଛପଟୁ ପିଟିହୋଇ ଯାଇଥିଲା। ଫଳରେ ବାଇକ ଆରୋହି ଓ ପଛରେ ବସିଥିବା ଅନ୍ୟ ଜଣେ ଗୁରୁତର ଆହତ ହୋଇଥିଲେ। ସେମାନଙ୍କୁ ମେଡ଼ିକାଲ ନେବା ବାଟରେ ରାସ୍ତାରେ ବାଇକ ଆରୋହୀର ମୃତ୍ୟୁ ଘଟିଥିଲା। ମୃତ୍ୟୁକର ପରିଚୟ ଜଣାପଡି ନାହିଁ।