ଗଞ୍ଜାମ ବ୍ଲକରେ ଦାଦନ ଖଟିବାକୁ ଯାଇ ଶ୍ରମିକ ମୃତ

ଗଞ୍ଜାମ, (ବିନୋଦ ପଲାଇ):ଦାଦନ ଖଟିବାକୁ ଯାଇ ଜଣେ ଶ୍ରମିକର ମୃତ୍ୟୁ ଘଟିଛି l ମୃତକ ଜଣକ ହେଲେ, ରବି ମାହାଙ୍ଗୁଡ଼ l ତାଙ୍କ ଘର ଗଞ୍ଜାମ ବ୍ଳକ ଅନ୍ତର୍ଗତ କଲ୍ୟାଣପୁର ଗ୍ରାମ lମୃତକ ରବି ଗତ ଦୁଇ ସପ୍ତାହ ତଳେ ଚେନାଇ ଯାଇଥିଲେ କାମ କରିବାକୁ lସେଠାରେ ଏକ ଘରୋଇ କମ୍ପାନୀରେ କାମ କରୁଥିବା ବେଳେ ଆଜି ଏକ ସିମେଣ୍ଟ ଟାଙ୍କି ପଡିଯିବାରୁ ତାର ମୃତ୍ୟୁ ଘଟିଥିଲା l ସେ ଟାଙ୍କି ଭୁଶୁଡି ପ୍ରାୟ ୨୦ଜଣ ମୃତ୍ୟୁବରଣ କରିଥିବା ବେଳେ, ସେଥି ମଧ୍ୟରୁ ରବି ଅନ୍ୟତମ l ଆସନ୍ତା କାଲି ତାର ଶବ ଗାଁକୁ ଆସୁଥିବା ଜଣାପଡିଛି l ସେ ଜଣେ ଗରିବ ଲୋକ ହୋଇଥିବା ବେଳେ,ଗାଁ, ଗାଁ ସାଇକେଲରେ ବୁଲି ବିଭିନ୍ନ ପ୍ରକାର ଟେସନାରୀ ଜିନିଷ ବିକ୍ରି କରୁଥିଲେ l ଏହା ସ୍ୱତେ ଆର୍ଥିକ ଅନାଟନ ଲାଗିରହିଥିବାରୁ ସେ କାମ କରିବା ପାଇଁ ଅନ୍ୟ ରାଜ୍ୟକୁ ଯାଇଥିଲେ l ମୃତକ ରବିର ନଅବର୍ଷର ପୁଅଟି ଥିବା ବେଳେ, ବାରବର୍ଷର ଝିଅଟି ରହିଛି l