ଗଞ୍ଜାମ ହ୍ୟାଣ୍ଡବଲ ସବ ଜୁନିୟର ଚାମ୍ପିଅନଙ୍କୁ ସମ୍ବର୍ଦ୍ଧନା

ବ୍ରହ୍ମପୁର, (ଯୁଗାବ୍ଦ ନ୍ୟୁଜ) : ଓଡିଶା ହ୍ୟାଣ୍ଡବଲ ସଂଗଠନ ଦ୍ୱାରା କଟକର ବିଡାନାଗ ପଡିଆରେ ଆୟୋଜନ କରାଯାଇଥିବା ଅନ୍ତଃଜିଲ୍ଲା ସବଜୁନିୟର ପ୍ରତିଯୋଗିତାରେ ଗଞ୍ଜାମ ଜିଲ୍ଲା ସବଜୁନିୟର ଦଳ ଚମ୍ପିଆନ ଆଖ୍ୟା ଅର୍ଜନ କରିଛନ୍ତି । ଉକ୍ତ ପ୍ରତିଯୋଗିତାରେ ଗଞ୍ଜାମ ଦଳ ପୁଲରେ ଥିବା ଜଗତସିଂହପୁର ଓ ଖୋର୍ଦ୍ଧାକୁ ହରାଇଥିଲେ । ଫାଇନାଲରେ କଟକ ଦଳକୁ ୮-୪ ଗୋଲ ବ୍ୟବଧାନରେ ଗୋଲମାରି ଚାମ୍ପିଅନ ହୋଇଥିଲେ । ଏହି ସମସ୍ତ ଖେଳାଳୀ ବ୍ରହ୍ମପୁର ମ୍ୟୁନିସିପାଲିଟି ଦ୍ୱାରା ଆୟୋଜିତ ହୋଇଥିବା ସମର କ୍ୟାମ୍ପରେ ଜାତୀୟ କୋଚ ପ୍ରଶାନ୍ତ କୁମାର ରଥଙ୍କ ଠାରୁ ପ୍ରଶିକ୍ଷଣ ପାଇଥିଲେ । ଗଞ୍ଜାମ ଜିଲ୍ଲା ଆସୋସିଏସନ ପକ୍ଷରୁ ଖଲ୍ଲିକୋଟ ପଡିଆଠାରେଥିବା ନିଜସ୍ୱ କୋର୍ଟରେ ପ୍ରତ୍ୟେକ ଖେଳାଳୀଙ୍କୁ ଗୋଲ୍ଡ ମେଡଲ ଓ ପଷ୍ପ ଗୁଚ୍ଛ ଦେଇ ସମ୍ମାନୀତ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଜିଲ୍ଲା ହ୍ୟାଣ୍ଡବଲ ଆସୋସିଏସନ ସଭାପତି ଅଶୋକ ଗୁପ୍ତା, ସଂପାଦକ ସୁରେଶ ପାଢୀ, ଜାତୀୟ କୋଚ ପ୍ରଶାନ୍ତ କୁମାର ରଥ, ଗଣେଷ ହୋତା , ମନୋଜ ପାତ୍ରଙ୍କ ସମେତ ଜୁନିୟର ଓ ସିନିୟର ଗ୍ରୁପର ସମସ୍ତ ଖେଳାଳି ଉପସ୍ଥିତ ଥିଲେ ।