ଗରୁଡ ଆପ ପ୍ରଶିକ୍ଷଣ ଶିବିର

ଭଣ୍ଡାରିପୋଖରୀ, (ଦୁର୍ଯ୍ୟେ।ଧନ ଲେଙ୍କା): ଭଣ୍ଡାରିପୋଖରୀ ବ୍ଲକ ପ୍ରଶାସନ ପକ୍ଷରୁ ଆଜି ପଂଚାୟତ ସମିତି ସଭା ଗୃହ ମଧ୍ୟରେ ଭୋଟର ହେଲ୍ପ ଲାଇନ ସମ୍ପର୍କିତ ଗରୁଡ ଆପର ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ବିଡ଼ିଓ ଦେବଦତ୍ତ ଦାସ ଏହାକୁ ଉଦଘାଟନ କରି ଭୋଟର ତାଲିକାରେ ନାମ ପଞ୍ଜିକରଣ ପାଇଁ ଗରୁଡ ଆପ ଏକ ସରଳିକରଣ ପ୍ରକ୍ରିୟା ବୋଲି ସୂଚନା ଦେଇଥିଲେ। କାର୍ଯ୍ୟକ୍ରମରେ ଭୋଟର ହେଲ୍ପ ଲାଇନ ପାଇଁ ୧୧୮ଜଣ ବୁଥ ସ୍ତରୀୟ ଅଧିକାରୀଙ୍କ ସହିତ ୧୧ଜଣ କ୍ଷେତ୍ର ଅଧିକାରୀଙ୍କୁ ପ୍ରଶିକ୍ଷଣ ପ୍ରଦାନ କରାଯାଇଥିଲା। ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ ମୀନକେତନ ବାରିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ଶିବିରରେ ସହକାରୀ ନିର୍ବାହୀ ଯନ୍ତ୍ରୀ ସିଦ୍ଧାର୍ଥ ଶଙ୍କର ଦାସ, ପଂଚାୟତ କାର୍ଯ୍ୟନିର୍ବାହୀ ଅଧିକାରୀ ବିକ୍ରମ କୁମାର ସାହୁ ଯୋଗଦେଇ ଏ ସମ୍ପର୍କରେ ପୁଙ୍ଖାନୁପୁଙ୍ଖ ସୂଚନା ଦେଇଥିଲେ।