ଗାଙ୍ଗପଡା ପଂଚାୟତରେ ବିଜେଡିର କର୍ମୀ ସମ୍ମିଳନୀ

କେନ୍ଦ୍ରାପଡା, (ଚିତ୍ତରଞ୍ଜନ ଦାସ): କେନ୍ଦ୍ରାପଡା ବ୍ଲକ ଅନ୍ତର୍ଗତ ଗାଙ୍ଗପଡା ଗ୍ରାମପଂଚାୟତର ଦୋବନ୍ଧା ଗ୍ରାମର ସିଦ୍ଧବଟ ଆଶ୍ରମ ପରିସରରେ ପଂଚାୟତ ବିଜେଡିର ଏକ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ପଂଚାୟତ ବିଜେଡି ସଭାପତି ଚନ୍ଦ୍ରକାନ୍ତ ରାଉତଙ୍କ ସଭାପତିତ୍ୱରେ ଅନୁଷ୍ଠିତ ଏହି କର୍ମୀ ସମ୍ମିଳନୀରେ ଗାଙ୍ଗପଡା ପଂଚାୟତର ସମିତିସଭ୍ୟ ତଥା ବ୍ଲକ ଅଧ୍ୟକ୍ଷ ସୂର୍ଗତ ଅନାମବନ୍ଧୁ ଧଳଙ୍କ ବିୟୋଗ ପରେ ପଂଚାୟତରେ ଉପୁଜିଥିବା ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯାଇଥିଲା । ଏହି ସମ୍ମିଳନୀରେ ପୂର୍ବତନ ଜିଲ୍ଲା ପରିଷଦ ଉପ ସଭାପତି ମମତାରାଣୀ ଧଳ, ସତ୍ୟପ୍ରକାଶ ବେହେରା, ବାବୁ ଧଳ, ହଳଧର ସାହୁ, ମନୋଜ କୁମାର ପାତ୍ର, ହୃଷିକେଶ ରାଉତ, ବାନାମ୍ବର ସାହୁ, ମୈାସୁମୀ ଖାଁ, ସେକ ଅବଦୁଲ୍ଲା, ଅଭିରାମ ସେଠୀ, ସେକ ସରାଫତ, ପ୍ରକାଶ ଚନ୍ଦ୍ର ପ୍ରଧାନ, କ୍ଷୀରୋଦ ଚନ୍ଦ୍ର ନାୟକ, ମୁରଲି ଦାସ ,ସୀରାଜ ଖାନ ପ୍ରମୁଖ ଯୋଗଦେଇ ପଂଚାୟତର ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଥିଲେ । ବିଧାୟକ ଶଶୀଭୂଷଣ ବେହେରା ଅସୁସ୍ଥ ଥିବାରୁ ଭିଡିଓ କନଫରେନ୍ସ ମାଧ୍ୟମରେ ଏହି ଆଲୋଚନାରେ ଅଂଶଗ୍ରହଣ କରି ପଂଚାୟତର ବିଭିନ୍ନ ସମସ୍ୟା ସମ୍ପର୍କରେ ଅବଗତ ହୋଇ ସେସବୁ ସମସ୍ୟାର ସମାଧାନ ନିମନ୍ତେ ପ୍ରତିଶୃତି ଦେଇଥିଲେ ।