ଗାନ୍ଧୀ ଜୟନ୍ତୀରେ ଜେ.ଏସ.ପି.ଏଲ ପକ୍ଷରୁ ସ୍ୱଚ୍ଛତା ଅଭିଯାନ

ଯୋଡ଼ା,(ସମୀର କୁମାର ଦାସ): ଜାତିର ପିତା ମହାତ୍ମା ଗାନ୍ଧୀଙ୍କ ୧୫୧ତମ ଜନ୍ମ ବାର୍ଷିକୀକୁ ଚିର ସ୍ମରଣୀୟ କରିବା ପାଇଁ ଜିନ୍ଦଲ ଷ୍ଟିଲ ଏଣ୍ଡ ପାୱାର ଲିମିଟେଡ଼ (ଜେଏସପିଏଲ) ପକ୍ଷରୁ ଏକ ସ୍ୱଚ୍ଛତା ଅଭିଯାନ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ପିଲେଟ ପ୍ଲାନ୍ଟ କଲୋନୀ ସହ ନିକଟସ୍ଥ ପୁନଃ ଥଇଥାନ କଲୋନୀ ଗୁଡ଼ିକରେ ସଫେଇ କାର୍ଯ୍ୟ କରାଯାଇଥିଲା । ପିଲେଟ ପ୍ଲାନ୍ଟର ମାନବ ସମ୍ବଳ ମୁଖ୍ୟଶରତ କୁମାର ପଣ୍ଡା ସମସ୍ତଙ୍କୁ ସ୍ୱଚ୍ଛତାର ଶପଥ ପାଠ କରାଇ ଅହିଁସା ନୀତିପଥରେ ପ୍ରେରିତହୋଇ ଚାଲିବା ପାଇଁ ଆହ୍ୱାନ କରିଥିଲେ ।ଏହି କାର୍ଯ୍ୟକ୍ରମରେ ପ୍ରାୟ ଶହେ ଜଣ ସ୍ୱେଚ୍ଛାସେବୀ ଯୋଗ ଦେଇ କାରୋନା କଟକଣା ପାଇଁ ଲାଗୁ ହୋଇଥିବା ସାମାଜିକ ଦୂରତା ରଖି,ମାସ୍କ ପିନ୍ଧି ଏବଂସମସ୍ତ ସୁରକ୍ଷା ନିୟମ ପାଳନ କରି କଲୋନୀର ବିଭିନ୍ନ ଅଞ୍ଚଳ ସହ ରାସ୍ତାଘାଟ ସହ ନର୍ଦ୍ଦମା ସଫେଇ କରିଥିଲେ । ଏହି ପରିପ୍ରେକ୍ଷୀରେ ସ୍ଥାନୀୟ ଲୋକମାନଙ୍କୁ ନିଜ ପରିବେଶ ନିର୍ମଳ ଏବଂ ସ୍ୱଚ୍ଛ ରଖିବା ପାଇଁ ଆହ୍ୱାନ କରାଯାଇଥିଲା । ଏହି ଉତ୍ସବରେ ପିଲାମାନଙ୍କ ପାଇଁ ଅନଲାଇନ ମାଧ୍ୟମରେ ବିଭିନ୍ନ ପ୍ରକାର ପ୍ରତିଯୋଗୀତା କରାଯାଇଥିଲା ।