ଗାର୍ଡ ୱାଲକୁ ଧକ୍କା କରି ୩୦ ଫୁଟ୍ ତଳକୁ ଖସିଲା ବାଇକ୍, ଜଣେ ମୃତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) ଗଜପତି ଜିଲ୍ଲାର ମୋହନା ବ୍ଲକର ଲେଡବନ୍ଧ ବ୍ରିଜ୍ ଗାର୍ଡୱାଲକୁ ଧକ୍କା ଦେଇ ୩୦ ଫୁଟ ତଳକୁ କଚାଡି ପଡିବା ଯୋଗୁଁ ଚାଳକଙ୍କ ମୃତ୍ୟୁ ହୋଇଥିବା ଜଣାଯାଇଛି। ମୃତକଙ୍କ ପରିଚୟ ମିଳିନି। ମୋହନା ଅଗ୍ନିଶମ ବାହିନୀ ଓ ପୁଲିସ ୩୦ ଫୁଟ ନଦୀରୁ ଯୁବକଙ୍କ ମୃତଦେହ ଉଦ୍ଧାର କରିଛି। ଗୁରୁବାର ରାତି ପ୍ରାୟ ୮ ରେ ବାଇକରେ ଜଣେ ଯୁବକ ମୋହନାରୁ ଲୁହାଗୁଡ଼ି ଯାଉଥିଲେ। ବାଇକ୍‌ଟି ଲେଡବନ୍ଧ ନଦୀର ଗାର୍ଡ ୱାଲକୁ କୌଣସି କାରଣରୁ ଧକ୍କା ଦେଇଥିଲା। ବାଇକ୍‌ଟି ବ୍ରିଜ ଉପରେ ଥିବା ବେଳେ ଯୁବକ ନଦୀର ୩୦ ଫୁଟ ତଳକୁ ଖସି ପଡ଼ିଥିଲେ। ଘଟଣା ସ୍ଥଳରେ ହିଁ ଯୁବକଙ୍କ ମୃତ୍ୟୁ ଘଟିଛି। ସମ୍ପୃକ୍ତ ଘଟଣା ନେଇ ପୋଲିସର ତଦନ୍ତ ଜାରି ରହିଛି.