ଗିରିଗାଁରେ ଜଳିଗଲା ୨ବଖରା

ହାଟଡ଼ିହି, (ବିକାଶ ବିଶ୍ୱାଳ):ହାଟଡ଼ିହି ବ୍ଲକ ଅଧିନସ୍ଥ ଗିରିଗାଁ ଗ୍ରାମରେ ଆଜି ମଧ୍ୟାହ୍ନରେ ୨ବଖରା ଘର ଜଳିଯାଇଛି। ସୂଚନା ଅନୁସାରେ, ମଧୁସୁଦନ ସ୍ୱାଇଁଙ୍କ ଘରେ ରୋଷେଇ ଚାଲିଥିଲା ବେଳେ ହଠାତ୍ ଗ୍ୟାସରୁ ନିଆଁ ବାହାରି ଚାରିଆଡ଼େ ବ୍ୟାପୀ ଯାଇଥିଲା। ପରିବାର ସହ ଗ୍ରାମବାସୀଙ୍କ ଉଦ୍ୟମରେ ନିଆଁକୁ ଆୟତ୍ତ କରିବାରେ ଅସଫଳ ହେବାରୁ ହାଟଡ଼ିହି ଅଗ୍ନିଶମ ବାହିନୀକୁ ଖବର ଦିଆଯାଇଥିଲା। ଅଗ୍ନିଶମ ବାହିନୀ ସେଠାରେ ପହଁଚି ଗ୍ରାମବାସୀଙ୍କ ସହାୟତାରେ ନିଆଁକୁ ଆୟତ୍ତ କରିଥିଲେ ସୁଦ୍ଧା ୨ବଖରା ଘର ନିମିଷକରେ ଜଳି ଯାଇଥିଲା।