ଗୁହାଳ ପୋଡି ୧ ଗାଈ ଜୀବନ୍ତ ଦଗ୍ଧ,୧ ଗୁରୁତର

ନାଉଗାଁ : ନାଉଗାଁ ତହସିଲ ଅନ୍ତର୍ଗତ ବାଂଶ ପଂଚାୟତର ଅଲିସର ଗ୍ରାମର ବିଶ୍ୱ ରଂଜନ ରାଉତଙ୍କ ସୋମବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ଗୁହାଳ ପୋଡିଯାଇଛି । ଅଗ୍ନିକାଣ୍ଡରେ ଗୁହାଳ ସଂପୂର୍ଣ୍ଣ ପୋଡିଯିବା ସହ ୧ ଗାଇ ଜୀବନ୍ତ ଦଗ୍ଧ ହୋଇଥିବା ବେଳେ ୧ ଗାଈ ଗୁରୁତର ଅବସ୍ଥାରେ ରହିଛି । ଗୁହାଳରେ ମଶା ଧୂଆଁ ଦିଆଯାଇଥିବା ସମୟରେ ସେଥିରୁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି । ଖବର ପାଇ ନାଉଗାଁ ଅଗ୍ନିଶମ ବାହିନୀ ପକ୍ଷରୁ ଦମକଳ ଗାଡି ପହଂଚି ନିଆଁକୁ ଆୟତ କଲାବେଳକୁ ଗୁହାଳଟି ସଂପୂର୍ଣ୍ଣ ଜଳିଯାଇଥିଲା । ଘଟଣାସ୍ଥଳକୁ ତହସିଲ ପକ୍ଷରୁ କେହି ତଦନ୍ତ କରିବାକୁ ଯାଇ ନଥିବା ଜଣାଯାଇଛି । ବିଶ୍ୱ ରଂଜନ ଗାଈ ଚାଷ କରି ଜୀବିକା ନିର୍ବାହ କରୁଥିବା ବେଳେ ତାଙ୍କୁ ସରକାରୀ ସାହାର୍ଯ୍ୟ ଯୋଗାଇ ଦେବାକୁ ସାଧାରଣରେ ଦାବି ହୋଇଛି ।