ଗୋରୁ ଗାଡି ଜବତ, ୪ ଗୋରୁ ଉଦ୍ଧାର

ବନ୍ତ,(ଯୁଗାଦ୍ଧ ନ୍ୟୁଜ) : ବନ୍ତ ଥାନା ଅଧିନ ବନ୍ତ-ଆଗରପଡା ରାସ୍ତାର ନିମାପଡା ଛକ ଠାରେ ଶନିବାର ସ୍ଥାନୀୟ ଲୋକେ ଏକ ଗୋରୁ ବୋଝେଇ ପିକ୍ଅପ ଭ୍ୟାନକୁ ଅଟକାଇ ପୋଲିସକୁ ଖବର ଦେବା ପରେ ପୋଲିସ ଘଟଣା ସ୍ଥଳରେ ପହଞ୍ôଚ ଗାଡିକୁ ଜବତ କରି ୪ ଗୋରୁଙ୍କୁ ଉଦ୍ଧାର କରିଥିବା ବେଳେ ଏଥିରେ ସଂପୃକ୍ତ ୩ ଜଣ ବ୍ୟକ୍ତିଙ୍କୁ ଥାନାରେ ଅଟକ ରଖିଛି । ପ୍ରକାଶ ଯେ, ଆଜି ପ୍ରାୟ ଦିନ ୧୦ଟା ବେଳେ ବୋଡକ ପାଟଣା ଗ୍ରାମର ଦୀଲିପ କୁମାର ସ୍ୱାଇଁ ଆଗରପଡାରୁ ବନ୍ତ ଯିବା ବାଟରେ ନିମାପଡା ଛକ ନିକଟରେ ଓଡି-୨୨କେ-୫୮୦୫ ନମ୍ବର ପିକ୍ଅପ ଭ୍ୟାନ୍ ତାଙ୍କୁ ଦ୍ରୁତ ଗତିରେ ସାଇଟ୍ ମାର୍ିଲା । ଫଳରେ ସେ ଗାଡିଟିକୁ ଅଟକାଇବା ପରେ ସେଥିରେ ୪ଟି ଗୋରୁଙ୍କୁ ବନ୍ଧା ଯାଇ ନିଆଯାଉଥିଲା । ଖବର ପାଇ ସମାଜସେବୀ ସ୍ମୃତି ରଂଜନ ସ୍ୱାଇଁଙ୍କ ସମେତ ସ୍ଥାନୀୟ ଯୁବକ ମାନେ ଘଟଣା ସ୍ଥଳରେ ପହଞ୍ôଚ ବେଆଇନ ଗୋଚାଲାଣ ସଂପର୍କରେ ପୋଲିସକୁ ଖବର ଦେଇଥିଲେ । ପୋଲିସ ପହଞ୍ôଚ ଗାଡିକୁ ଜବତ କରିବା ସହ ସେଥିରୁ ୪ଟି ଗୋରୁଙ୍କୁ ଉଦ୍ଧାର କରିବା ସହ ସେଥିରେ ସଂପୃକ୍ତ ଡ୍ରାଇଭର ଚଣ୍ଡିପୁର ଗ୍ରାମର ଖାଲିଦ୍ ଖାନ୍ ଓ ଗାଡିରେ ଥିବା ଅନ୍ୟ ଦୁଇ ଜଣ ବ୍ୟକ୍ତି ଚଣ୍ଡିପୁର ଗ୍ରାମର ସେକ୍ ସନା, ସେକ୍ ସୁଲତାନଙ୍କୁ ଥାନାରେ ଅଟକ ରଖିଛି । ଏହି ଘଟଣାର କିଛି ସମୟ ପୂର୍ବରୁ ସେକ୍ ସକିଲ୍ ନାମକ ବ୍ୟକ୍ତି ଅନ୍ୟ ଦୁଇଟି ଗାଡିରେ ପ୍ରାୟ ୮ଟି ଗୋରୁ ନେଇଥିବା ସେକ୍ ସନା ସ୍ୱୀକାର କରିଛି । ଏସଂପର୍କରେ ଦୀଲିପ କୁମାର ସ୍ୱାଇଁ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି । ଖବର ଲେଖା ହେବା ପର୍ଯ୍ୟନ୍ତ ଥାନାରେ କୌଣସି ମାମଲା ରୁଜ୍ଜୁ ହୋଇନଥିବା ଜଣାଯାଇଛି ।