ଗୋଵରାରେ ତାରିଣୀ ଦେବୀଙ୍କ ଦ୍ବାଦଶାହ ଶ୍ରଦ୍ଧାଞ୍ଜଳି ସଭା ଓ ଭଜନ ସମାରୋହ
ବେଲଗୁଣ୍ଠା, (ରମେଶ ଚନ୍ଦ୍ର ଗୌଡ଼):ବେଲଗୁଣ୍ଠା ବ୍ଳକ୍ ଗୋଵରା ଅଞ୍ଚଳର ବିଶିଷ୍ଟ ସମାଜସେବୀ ତଥା କମ୍ୟୁନିଷ୍ଟ ପାର୍ଟି ନେତା ସ୍ଵର୍ଗତ ଭଗବାନ ବେହେରାଙ୍କ ଧର୍ମପତ୍ନୀ ସ୍ଵର୍ଗତ ତାରିଣୀ ବେହେରାଙ୍କ ଦ୍ବାଦଶାହ ଅବସରରେ ଶ୍ରଦ୍ଧାଞ୍ଜଳି ସଭା ତଥା ଭଜନ ସମାରୋହ ଗୋଵରା ଉପେନ୍ଦ୍ର ଭଞ୍ଜ ସାହିତ୍ୟ ପରିଷଦ ସଭାପତି ଗୋପାଳ ଚନ୍ଦ୍ର ଲେଙ୍କାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଆୟୋଜିତ କାର୍ଯ୍ୟକ୍ରମରେ ଘୁମୁସର ନାଟକ ମହୋତ୍ସବ ସମିତି ସଭାପତି ତଥା ବିଶିଷ୍ଟ ନାଟ୍ୟ ଓ ଚଳଚ୍ଚିତ୍ର ନିର୍ଦ୍ଦେଶକ ଆଦିକନ୍ଦ ଗୌଡ଼ ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ବିଶିଷ୍ଟ ନାଟ୍ୟ ନିର୍ଦ୍ଦେଶକ ତଥା ଅଭିନେତା ପ୍ରଶାନ୍ତ ବିଷୋୟୀ ମୁଖ୍ୟ ବକ୍ତା ଏବଂ ଵେଲଗୁଣ୍ଟା ପଞ୍ଚାୟତ ସମିତି ବରିଷ୍ଠ କଳାକାର ସଂଘର ସମ୍ପାଦକ ଇଶ୍ଵର ଗୌଡ଼ , ବିଶିଷ୍ଟ ପ୍ରବଚକ ତଥା ଚାଷୀନେତା ଶିଶିର କାନ୍ତ ନାୟକ, ଆଇନଜୀବୀ ସନ୍ତୋଷ କୁମାର ଵିଶ୍ବାଳ, ଶିକ୍ଷାବିତ୍ ପିତାମ୍ବର ପରିଡା, ବିଶିଷ୍ଟ କଣ୍ଠଶିଳ୍ପୀ ଦିନବନ୍ଧୁ ସ୍ଵାଇଁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ତାରିଣୀ ଦେବୀଙ୍କ ସ୍କୃତି ଚାରଣ କରିଥିଲେ । ନୂଆ ପରଶୁଲୁଣ୍ଡା ମା ଵୁଢାକେନ୍ଦୁ ଭଜନ ମଣ୍ଡଳୀ କଳାକାରମାନଙ୍କ ଭଜନ ପରିବେଷଣ ହୋଇଥିଲା । କଣ୍ଠଶିଳ୍ପୀ, ଯନ୍ତ୍ର ସଙ୍ଗୀତଜ୍ଞମାନଙ୍କୁ ମୁଖ୍ୟ ଅତିଥିଙ୍କ ଦ୍ବାରା ସମ୍ବର୍ଦ୍ଧିତ କରାଯାଇଥିଲା । ସ୍ଵର୍ଗତ ତାରିଣୀ ଦେବୀଙ୍କ ନାତୁଣୀ ରେମନୀଷା ବେହେରା ଜେଜେ ମାଆଙ୍କ ଉଦ୍ଧେଶ୍ୟରେ ଶୋକବାର୍ତ୍ତା ପ୍ରଦାନ କରିଥବା ବେଳେ ବଡ଼ପୁଅ ପ୍ରଫୁଲ୍ଲ କୁମାର ବେହେରା ଅତିଥି ତଥା କଳାକାର ମାନଙ୍କୁ ଉତ୍ସାହିତ କରିଥିଲେ । କାର୍ଯ୍ୟକ୍ରମରେ ତାରିଣୀ ଦେବୀଙ୍କ ସମସ୍ତ ପୁତ୍ରକନ୍ୟା, ନାତିନାତୁଣୀ ଓ ବନ୍ଧୁବାନ୍ଧବମାନେ ଉପସ୍ଥିତ ରହି ସମସ୍ତ ପ୍ରକାର ସହଯୋଗ କରିଥିଲେ ।
