ଘରପଦା ଶନି ମନ୍ଦିରର ବାର୍ଷିକ ଉତ୍ସବ ଉଦ୍ଯାପିତ
ବନ୍ତ, (ଚାନ୍ଦିନୀ ମହାନ୍ତି):ବନ୍ତ ବ୍ଲକ ନିଳୋକ ପଞ୍ଚାୟତ ଘରପଦାସ୍ଥିତ ଶନି ମନ୍ଦିରରେ ଗ୍ରହରାଜ ଶ୍ରୀ ଶ୍ରୀ ଶନିଦେବଙ୍କର ୨ ଦିନ ବ୍ୟାପୀ ଅନୁଷ୍ଠିତ ୬ଷ୍ଠ ବାର୍ଷିକ ଉତ୍ସବ ଉଦ୍ଯାପିତ ହୋଇଯାଇଛି । ପ୍ରାରମ୍ଭରେ ଧନି ସା ପୁଷ୍କରିଣୀରୁ ୫୪ କଳସ ଅଣାଯାଇ ଘଟ ସ୍ଥାପନା ପୂର୍ବକ ପୂଜା କାର୍ଯ୍ୟ ଆରମ୍ଭ ହୋଇଥିଲା । କୈଳାସ ଚନ୍ଦ୍ର ଚଢେଇ ମୁଖ୍ୟ କଳସ ଧାରଣ କରିଥିବା ବେଳେ ଉର୍ମିଳା ଚଢେଇ ବନ୍ଦାପନା କରିଥିଲେ । ପରେ ସୂର୍ଯ୍ୟ ପୂଜା, ଅଗ୍ନିସ୍ଥାପନ, ନବଗ୍ରହ ଉପଚାର ପୂଜା ଏବଂ ସୋମବାର ସୂର୍ଯ୍ୟ ପୂଜା, ଗୋପୂଜା, ଗ୍ରହ ଭଟ୍ଟାରକ ପୂଜା, ଯଜ୍ଞାରମ୍ଭ, ପୂର୍ଣ୍ଣାହୂତି ଅନୁଷ୍ଠିତ ହୋଇଥିଲା । ପୂଜକ ବସନ୍ତ କୁମାର ମିଶ୍ର ପୂଜା କାର୍ଯ୍ୟ କରିଥିବା ବେଳେ ଶାନ୍ତନୁ କୁମାର ପଣ୍ଡା, ପୁରୀରୁ ଆଗତ ବିଷ୍ଣୁ ମୋହନ ଦାଶ, ବାସୁଦେବପୁରରୁ ଆଗତ କମଳାକାନ୍ତ ପାଢୀ, ବାଲେଶ୍ୱରରୁ ଆଗତ ଦୀପ୍ତିକାନ୍ତ ଉପାଧ୍ୟାୟ ଯଜ୍ଞ କାର୍ଯ୍ୟ ସମ୍ପାଦନ କରିଥିଲେ । ପୂଜା ଉତ୍ସବରେ ଆଖପାଖ ଗ୍ରାମରୁ ଶତାଧିକ ଭକ୍ତ ଯୋଗ ଦେଇଥିଲେ । କୈଳାସ ଚନ୍ଦ୍ର ଚଢେଇଙ୍କ ତତ୍ତ୍ୱାବଧାନରେ ଅନୁଷ୍ଠିତ ବାର୍ଷିକ ଉତ୍ସବରେ ସମସ୍ତ ଗ୍ରାମବାସୀ ସହଯୋଗ କରିଥିଲେ । ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଗୋଟିପୁଅ ନୃତ୍ୟ ପରିବେଷଣ ହୋଇଥିଲା ।
