ଘରର ମାଟି କାନ୍ଥ ଭୁଷୁଡି ଶିଶୁ ପୁତ୍ରର ମୃତ୍ୟୁ

ଭଞ୍ଜନଗର,(ସନ୍ତୋଷ କୁମାର ଜେନା):ଗଞ୍ଜାମ ଜିଲ୍ଲାର ଭଞ୍ଜନଗର ଥାନା ବାଇବାଲି ଗ୍ରାମ ନିକଟ ତୋଟା ସାହିରେ ଅଭାବନୀୟ ଘଟଣା।ଘରେ ଶୋଇଥିବା ସମୟରେ ମାଟିକାନ୍ଥ ଉପରେ ପଡିଯିବାରୁ ଅଢେଇ ବର୍ଷର ଶିଶୁ ପୁତ୍ର ର ମୃତ୍ୟୁ ହୋଇଛି।ମୃତ ଶିଶୁ ଜଣକ ହେଉଛନ୍ତି ବସନ୍ତ ପ୍ରଧାନଙ୍କ ପୁଅ ରିଷି ପ୍ରଧାନ।ବାପା ଓ ମା ଉଭୟ ଗୁରୁତର ହୋଇ ଭଞ୍ଜନଗର ମେଡ଼ିକାଲରେ ଭର୍ତି ହୋଇଛନ୍ତି।ସୂଚନା ମୁତାବକ ଗତକାଲି ରାତି ତମାମ ଅତି ପ୍ରବଳ ବର୍ଷା ହେବାରୁ ମାଟି କାନ୍ଥଟି ବତୁରି ଯିବା ଦ୍ୱାରା ଭୁଶୁଡି ପଡିଛି। ମା ବାପା ଓ ଶିଶୁ ଏକାଠି ଶୋଇଥିବା ବେଳେ ଘଟିଥିଲା ଅଘଟଣ। ପରିବାର ଲୋକେ ଉଦ୍ଧାର କରି ସମସ୍ତଙ୍କୁ ଭଞ୍ଜନଗର ମେଡ଼ିକାଲରେ ଭର୍ତି କରିଥିଲେ। ସେଠାରେ ଡାକ୍ତର ଶିଶୁ ପୁତ୍ରକୁ ମୃତକୁ ଘୋଷଣା କରିଥିବା ବେଳେ ବାପା ଓ ମା ର ଚିକିତ୍ସା ଚାଲିଛି। ପୂର୍ବରୁ ହାତୀ ପଲ୍ଲ ଆସି ଘର ଭାଙ୍ଗି ଦେଇଥିଲେ। ବନ ବିଭାଗ ଓ ପ୍ରଶାସନ କୁ ଜଣାଇଥିଲେ ମଧ୍ୟ ଜରିପାଲ କି କ୍ଷତି ପୂରଣ କିଛି ମିଳିନଥିବା ଅଭିଯୋଗ ହୋଇଛି l