ଘରୋଇ ହିସାଂ : ୪ଆହତ

ହାଟଡିହି, (ବିକାଶ ବିଶ୍ୱାଳ ) :-ଆନନ୍ଦପୁର ଉପଖଣ୍ଡ ନନ୍ଦିପଦା ଥାନା ଶାସଙ୍ଗ ଗ୍ରାମରେ ପୁର୍ବ ବିବାଦକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ ଘଟିବା ସହ ଚାରିଜଣ ଆହତ ହୋଇଥିବା ଜଣାଯାଇଛି । ଖବରରୁ ଜଣାଯାଇଛି ଯେ ଆଜି ଅପରାହ୍ନରେ ପୁର୍ବ ବିବାଦକୁ ନେଇ ନରହରି ବିଶ୍ୱାଳ ଓ ଲାଲା ସ୍ୱାଇଁଙ୍କ ମଧ୍ୟରେ ଛେନାପଦି ବଜାରରେ ମାଡପିଟ ହୋଇଥିଲା । ଏଥିରେ ନରହରି ବିଶ୍ୱାଳ ଆହତ ହୋଇଥିଲେ । ଏ ଖବର ପାଇବାପରେ ନରହରିଙ୍କ ଦୁଇପୁଅ ଯାଇ ଲାଲା ସ୍ୱାଇଁଙ୍କୁ ମାଡପିଟି କରିବାରୁ ସେ ଗୁରୁତର ଆହତ ହୋଇ ପଡିଥିଲେ । ଏହା ଶୁଣି ଲାଲାର ଭାଇ ହରିହର ସ୍ୱାଇଁ ଓ ତାର ପୁତୁରା ବାଇକ ଯୋଗେ ଛେନାପଦି ମାର୍କେଟକୁ ବୁଝିବାକୁ ଯାଉଥିବାବେଳେ ଆକ୍ରମଣକାରୀ ମାନେ ମଝି ରାସ୍ତାରେ ତାଙ୍କୁ ମଧ୍ୟ ମରଣାନ୍ତକ ଆକ୍ରମଣ କରିଥିବା ଆହତ ଅଜୟ ସ୍ୱାଇଁ କହିଛନ୍ତି । ଆହତ ମାନଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ଏହାକୁନେଇ ଦୁଇ ପରିବାର ମଧ୍ୟରେ ଉତ୍ତେଜନା ଲାଗି ରହିଥିବାବେଳେ ଥାନାରେ କୌଣସି ଅଭିଯୋଗ ହୋଇ ନଥିବା ଥାନା ଅଧିକାରୀ କହିଛନ୍ତି ।