ଘୋଡାଂଶ ସରକାରୀ ଉଚ୍ଚ ବିଦ୍ୟାଳୟରୁ ୪ ଫୁଟର ନାଗ ସାପ ଉଦ୍ଧାର
ନାଉଗାଁ,(ଯୁଗାବ୍ଦ ନ୍ୟୁଜ୍): ନାଉଗାଁ ବ୍ଳକ ଅନ୍ତର୍ଗତ ଘୋଡାଂଶ ସରକାରୀ ଉଚ୍ଚ ବିଦ୍ୟାଳୟ ପରିସର ଶନିବାର ସଫେଇ କାର୍ଯ୍ୟ ଚାଲିଥିଲା । ସଫେଇ ଚାଲିଥିବା ସମୟରେ ଏକ ନାଗ ସାପ ଦେଖାଯାଇଥିଲା । ପରିସର ମଧ୍ୟରେ ବିଦ୍ୟାଳୟର ଛାତ୍ରଛାତ୍ରୀ ଥିବା ବେଳେ ସାପଟି ଇତଃସ୍ତତଃ ହୋଇ ବିଦ୍ୟାଳୟ ଶ୍ରେଣୀ ଗୃହ ଭିତରକୁ ପଶି ଯାଇଥିଲା । ଯାହାକୁ ଦେଖି ପିଲାମାନେ ଭୟଭିତ ହୋଇ ଯାଇଥିଲେ । ଶେଷରେ ବିଦ୍ୟାଳୟ ପକ୍ଷରୁ ପ୍ରଧାନଶିକ୍ଷକ ସାପଟିକୁ ଉଦ୍ଧାର କରିବା ପାଇଁ ସ୍ନେକ ହେଲ୍ପ ଲାଇନର ସାହାଯ୍ୟ ନେଇଥିଲେ । ପୁରୀ ଜିଲ୍ଲା କାକଟପୁର ବ୍ଲକ ସ୍ନେକ ହେଲ୍ପ ଲାଇନର ବ୍ରଜକିଶୋର ସାହୁ ଘଟଣାସ୍ଥଳରେ ପହଁଚି ସାପଟିକୁ ଉଦ୍ଧାର କରିଥିଲେ । ସାପର ଲମ୍ବ ପାଖାପାଖି ୪ଫୁଟର ହୋଇଥିବା ଜଣାଯାଇଛି ।ଉକ୍ତ ସାପକୁ ସାଥିରେ ନେଇଯାଇଥିବା ବେଳେ ନିକଟସ୍ଥ ଜଙ୍ଗଲରେ ଛାଡି ଦିଆଯିବ ବୋଲି ଶ୍ରୀ ସାହୁ କହିଥିଲେ ।
