ଚନ୍ଦ୍ରଗିରିରେ ଉତେଜନା, ବରଯାତ୍ରୀଙ୍କୁ ଛୁରା ମାଡ଼, ଜଣେ ମୃତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଚନ୍ଦ୍ରଗିରି ଫାଣ୍ଡି ଅଂଚଳରେ ଗତରାତି ୧୦ଟା ବେଳେ ଏକ ଅଭାବନୀୟ ଘଟଣା ଘଟିଛି. ଏକ ବିବାହର ବରଯାତ୍ରୀ ଚାଲିଥିବାବେଳେ ହଠାତ ଚନ୍ଦ୍ରଗିରି ଗ୍ରାମର ଜଣେ ବ୍ୟକ୍ତି ପ୍ରଶାନ୍ତ ପ୍ରଧାନଙ୍କୁ ଛୁରା ମାଡ଼ କରାଯାଇଛି । ବରଯାତ୍ରୀରେ ସମସ୍ତେ ନାଚଗୀତରେ ମଜି ଥିବାବେଳେ ଏହି ଆକ୍ରମଣ କରାଯାଇଥିଲା ।ଉପସ୍ଥିତ ଲୋକେ ପ୍ରଶାନ୍ତଙ୍କୁ ଚନ୍ଦ୍ରଗିରି ମେଡିକାଲ ରେ ଭର୍ତ୍ତି କରିଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ହେଲେ ଏହି ହତ୍ୟାକୁ ନେଇ ସ୍ଥାନୀୟ ଅଞ୍ଚଳରେ ଉତେଜନା ଦେଖାଦେବା ସହ ଘଟଣାର ବିହିତ କାର୍ଯ୍ୟାନୁଷ୍ଠାନ ପାଇଁ ଆଜି ବୁଧବାର ଖବର ଲେଖିବା ସମୟ ପର୍ଯ୍ୟନ୍ତ ଜନ ସାଧାରଣ ରାସ୍ତା ରୋକ କରିଛନ୍ତି. ଶାନ୍ତି ଶୃଙ୍ଖଳା ରକ୍ଷା ପାଇଁ ଗଜପତି ପୋଲିସ ଓ ପ୍ରଶାସନିକ ଅଧିକାରୀ ଘଟଣା ସ୍ଥଳରେ ସଜାଗ ଅଛନ୍ତି.