ଚାଇଲଡ ଲାଇନ ଦ୍ୱାରା ସ୍ୱଛତା ଅଭିଯାନ
ବ୍ରହ୍ମପୁର,(ଅନିଲ କୁମାର): ମହାତ୍ମା ଗାନ୍ଧୀଙ୍କ ୧୫୦ ତମ ଜୟନ୍ତୀ ଉପଲକ୍ଷେ ସାରା ଭାରତରେ ଏକ ସ୍ୱଛତା ଅଭିଯାନ ଚାଲୁ ରହିଛି | ଏହି ସଂକ୍ରାନ୍ତରେ ଚାଇଲଡ ଲାଇନ ନିର୍ଦେଶକ ଶ୍ରୀ ସୁଧୀର ସାବତଙ୍କ ନିର୍ଦେଶ କ୍ରମେ ଗତ ତିନିଦିନ ଧରି ବିଭିନ୍ନ ସଚେତନତା କାର୍ଯ୍ୟକ୍ରମ କରିଛନ୍ତି | ଉକ୍ତ କାର୍ଯ୍ୟକ୍ରମ ଡ଼ୁରା ଗ୍ରାମରେ ବିଭିନ୍ନ କାର୍ଯ୍ୟକ୍ରମ କରି ସମାପନ କରିଛନ୍ତି | ସେଠାକାର ମନ୍ଦିର ପ୍ରାଙ୍ଗଣରେ ଶିଶୁ ମାନଙ୍କୁ ନେଇ ଚିତ୍ର ଅଙ୍କନ ପ୍ରତିଯୋଗିତା କରାଯାଇଥିଲା | ଶିଶୁ ମାନେ ନିଜର ପରିବେଶକୁ କିପରି ସ୍ୱଛତାରେ ରଖିବେ ତାହା ସୁନ୍ଦର ଭାବରେ ଚିତ୍ରରେ ଦର୍ଶାଇଥିଲେ | ଏହି ସଭାରେ ମୁଖ୍ୟ ଅତିଥି ଭାବରେ ଶ୍ରୀ ସାଇ ପ୍ରସାଦ ସାମଲ କେନ୍ଦ୍ର ସଂଯାଜକ ଚାଇଲଡ ଲାଇନ ପୂର୍ବତନ ସମିତି ସଭ୍ୟ ଶ୍ରୀ ଜଗନ୍ନାଥ ରାଉଳ ତଥା ସେହି ଅଞ୍ଚଳର ଅଙ୍ଗନ ବାଡ଼ି କର୍ମୀ ଶ୍ରୀମତୀ ଲଳିତା ନାୟକ ଉପସ୍ଥିତ ରହି ଶିଶୁ ମାନଙ୍କୁ ଉତ୍ସାହ ପ୍ରଦାନ କରିଥିଲେ | ଶେଷରେ ଚିତ୍ରାଙ୍କନରେ ଭାଗ ନେଇଥିବା ଉତ୍ତିର୍ଣ୍ଣ ପରିଯୋଗୀ ମାନଙ୍କୁ ପ୍ରମାଣ ପତ୍ର ପ୍ରଦାନ କରାଯାଇଥିଲା |
