ଚାରିଛକ ଥାନା ଅଧିକାରୀ ସମ୍ବର୍ଦ୍ଧିତ

ନିମାପଡ଼ା,(ସନ୍ତୋଷ କୁମାର ଦାଶ) ପୁରୀ ଜିଲ୍ଲା ନିମାପଡ଼ା ବ୍ଲକ ଚାରିଛକ ଥାନା ଅଧିକାରୀ ମମତା ବିଶ୍ଵାଳ ଙ୍କୁ ଚାରିଛକ ଦୈନିକ ହାଟ ବ୍ୟବସାୟୀ ସଂଘ ପକ୍ଷରୁ ସମ୍ବର୍ଦ୍ଧିତ କରାଯାଇଛି। ଚାରିଛକ ଦୈନିକ ହାଟ ର ୨୯ ତମ ମହାଲକ୍ଷ୍ମୀ ପୂଜା କାର୍ଯ୍ୟକ୍ରମରେ ଥାନା ଅଧିକାରୀ ଙ୍କୁ ସମ୍ବର୍ଦ୍ଧିତ କରାଯାଇଛି ।ସମାଜସେବୀ ତଥା ଦୈନିକ ହାଟ ର ପରିଚାଳକ ଶିଶିର କୁମାର ନାୟକ ଙ୍କ ଦ୍ଵାରା ଆୟୋଜିତ ଏହି କାର୍ଯ୍ୟକ୍ରମରେ ହାଟ ର ସଭାପତି ଗୌରାଙ୍ଗ ପରିଡ଼ା ,ସଭାପତି ବ୍ରଜବନ୍ଧୁ ଦାସ ,ସମ୍ପାଦକ ଚିତ୍ତରଞ୍ଜନ ପୃଷ୍ଟି ,ସହ ସମ୍ପାଦକ କୈଳାଶ ମଲ୍ଲିକ ,କୋଷାଧ୍ୟକ୍ଷ ଭରତ ପରିଡ଼ା ,ଉପଦେଷ୍ଟା ପ୍ରଫୁଲ୍ଲ ସାହୁ ,ସଞ୍ଜୟ ସାହୁ,ଚନ୍ଦନ ଲେଙ୍କା ବାବୁ ସାହୁ ,ସଞ୍ଜୟ ପରିଡ଼ା,ପ୍ରକାଶ ସ୍ବାଇଁ ରବୀନ୍ଦ୍ର ସାହୁ ଅନନ୍ତ ସାହୁ,ବାବାଜୀ ମଲ୍ଲିକ ସମେତ ହାଟ ର ସମସ୍ତ ବ୍ୟବସାୟୀ ଉପସ୍ଥିତ ରହି ଥାନା ଅଧିକାରୀ ଙ୍କୁ ସମ୍ବର୍ଦ୍ଧିତ କରିଥିଲେ ।ସେ କାର୍ଯ୍ୟରେ ଯୋଗ ଦେବା ପରେ ବଜାର ରେ ଟ୍ରାଫିକ ସମସ୍ୟା ଦୂରୀକରଣ ହୋଇପାରିଛି ବୋଲି ବ୍ୟବସାୟୀ ସଂଘ ପକ୍ଷରୁ କୁହାଯାଇଛି। ପୂଜକ ରସାନନ୍ଦ ଦାସ ଓ ଦାଶରଥି ଦାସ (ଦାସିଆ ଭାଇନା ) ଙ୍କ ଦ୍ଵାରା ଯଥା ରୀତିନୀତି ଅନୁଯାୟୀ ଲକ୍ଷ୍ମୀ ପୂଜା କାର୍ଯ୍ୟ ଆରମ୍ଭ ହୋଇଛି। କର୍ତ୍ତା ଭାବେ କୈଳାସ ସାହୁ କାର୍ଯ୍ୟ କରୁଛନ୍ତି।ଚଳିତ ବର୍ଷ ୪ ଦିନ ଧରି ସାଂସ୍କୃତିକ କାର୍ଯ୍ୟକ୍ରମ ପାଲା ପରିବେଷଣ କରାଯିବ ବୋଲି ଜଣାପଡିଛି।