ଚୀନକୁ ଫୋନ କଲା ପାକିସ୍ତାନ
ଇସଲାମାବାଦ: ପିଓକେରେ ଭାରତର ଆକ୍ରମଣ ପରେ ଭୟଭୀତ ହୋଇପଡ଼ିଛି ପାକିସ୍ତାନ। ଦେଶରେ ରାଜନୈତିକ ବାତାବରଣ ସରଗରମ ହୋଇପଡ଼ିଛି। ଅନ୍ୟପଟେ ଭାରତର କାର୍ଯ୍ୟାନୁଷ୍ଠାନ ସମ୍ପର୍କରେ ଇସଲାମାବାଦ ପକ୍ଷରୁ ଚୀନକୁ ଫୋନ କରାଯାଇ ଅବଗତ କରାଯାଇଛି।
ପାକିସ୍ତାନ ବୈଦେଶିକ ମନ୍ତ୍ରୀ ଶାହ ମେହମ୍ମୁଦ କ୍ୟୁରେଶୀ ଚୀନ ପ୍ରତିପକ୍ଷଙ୍କୁ ଫୋନ କରି ଭାରତର କାର୍ଯ୍ୟାନୁଷ୍ଠାନ ବିଷୟରେ ଜଣାଇଛନ୍ତି। ଏହାପରେ ଚୀନର ଖବର ସରବରାହ ସଂସ୍ଥା ସିନହୁଆ ପକ୍ଷରୁ କୁହାଯାଇଛି ଯେ, ପାକିସ୍ତାନ ଦେଶରେ ଶାନ୍ତି ବଜାୟ ରଖିବା ଏବଂ ଆତଙ୍କବାଦ ବିରୋଧରେ ଲଢ଼େଇ କରିବାକୁ ପ୍ରତିଶ୍ରୁତିବଦ୍ଧ। ପାକିସ୍ତାନ ଏବଂ ଚୀନ ଦକ୍ଷିଣ ଏସିଆ ରାଷ୍ଟ୍ରରେ ଶାନ୍ତି ପ୍ରତିଷ୍ଠା ଲାଗି ଉଦ୍ୟମ କରୁଛନ୍ତି। ଆତଙ୍କବାଦ ବିରୋଧରେ ଉଭୟ ଦେଶ ଲଢ଼ିବା ପାଇଁ ସ୍ବତନ୍ତ୍ର ରଣନୀତି ପ୍ରସ୍ତୁତ କରୁଛନ୍ତି।
ଅନ୍ୟପଟେ ଭାରତର ଆକ୍ରମଣ ପରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଏକ ଜରୁରୀ ବୈଠକ ଡକାଇଛନ୍ତି। ଇସଲାମାବାଦସ୍ଥିତ ବୈଦଶେିକ ମନ୍ତ୍ରଣାଳୟ କାର୍ଯ୍ୟାଳୟରେ ଏହି ବୈଠକ ଜାରି ରହିଛି।
