ଚୋରା ବାଲି ବୋଝେଇ ହାଇୱା ଜବତ

ବନ୍ତ,(ଚାନ୍ଦିନୀ ମହାନ୍ତି) : ବନ୍ତ ଥାନା ଅଧିନ ଭଦ୍ରକ-ଆନନ୍ଦପୁର ୫୩ନଂ.ରାଜ୍ୟ ରାଜପଥର ଜାମତୀରା ଛକ ଠାରେ ପୋଲିସ ଏକ ଚୋରା ବାଲି ବୋଝେଇ ହାଇୱା ଟ୍ରକକୁ ଜବତ କରି ଥାନାକୁ ଆଣିଥିବା ଜଣାଯାଇଛି । ପ୍ରକାଶ ଯେ, ରବିବାର ରାଜ୍ୟ ରାଜପଥରେ ଓଡି-୦୪ଏଲ-୮୮୩୫ ନମ୍ବର ବିଶିଷ୍ଟ ହାଇୱା ଟ୍ରକ ଚୋରା ବାଲି ବୋଝେଇ କରି ଆନନ୍ଦପୁରରୁ ଭଦ୍ରକ ଆଡକୁ ଯାଉଥିବା ବେଳେ ପେଟ୍ରୋଲିଂରେ ଥିବା ପୋଲିସ ତାକୁ ଅଟକାଇ ଗାଡିର କାଗଜପତ୍ର ମାଗି ଥିଲା । ହାଇୱା ଟ୍ରକର ଡ୍ରାଇଭର ପ୍ରଦୀପ କୁମାର ମଲ୍ଲିକଙ୍କ ପାଖରେ ବୋଝେଇ ହୋଇଥିବା ବାଲିର କୌଣସି କାଗଜ ପତ୍ର ନଥିବାରୁ ପୋଲିସ ଟ୍ରକଟିକୁ ଜବତ କରି ଥାନାକୁ ଆଣିଥିଲା । ଏନେଇ ଥାନାରେ କେସ ନଂ-୧୭୪/୨୦ରେ ଏକ ମାମଲା ରୁଜ୍ଜୁ ହୋଇଛି ।