ଚୋରା ମଦ ବିକ୍ରିକୁ ବନ୍ଦ କରିବାକୁ ଯାଇ ମହିଳା ପୋଲିସ ଆକ୍ରମଣର ଶିକାର

ରାଇରଙ୍ଗପୁର,(ଅକ୍ଷୟ କୁମାର ବିଶ୍ୱାଳ): ମୟୁରଭଞ୍ଜ ଜିଲ୍ଲାର ବିଶୋଇ ବ୍ଳକର ବିଶୋଇ ବଜାର ନିକଟରେ ଶନିବାର ଦିନ ସାପ୍ତାହିକ ହାଟ ବସେ । ହାଟଟି ଥାନା ନିକଟରେ ହାଟ ପାଖରେ କିଛି ମହିଳା ହାଣ୍ଡିଆ ଓ ମହୁଲି ମଦ ବିକ୍ରି କରି ପରିବାର ପୋଷଣ କରନ୍ତି । ଶନିବାର ହାଟ ଯୋଗୁଁ ବହୁ ଲୋକଙ୍କ ସମାଗମ ହୁଏ ଏବଂ ସେ ଦିନ ଟିକେ ବେପାର ଭଲ ହୁଏ । ଦି ପଇସା ଲାଭ ପାଆନ୍ତି । ସ୍ବୟଂ ସହାୟିକା ଗୋଷ୍ଠୀରୁ ଋଣ ଆଣି ଏହି ବେପାର କରନ୍ତି ପୁଣି ପଇସା ମିଳିଲେ ସୁଧ ସହିତ ମୂଳଧନ ସୁଝନ୍ତି । ଅନ୍ୟ ଦିନ ତ ବେପାର ହୁଏନି ଏଭଳି କରୋନା ମହାମାରୀ ସମୟରେ ମଦ ବିକ୍ରିକୁ ବିଶୋଇ ଥାନାର ମହିଳା କର୍ମଚାରୀ ମଂଜୁଲତା ସାହୁ ବନ୍ଦ କରିବା ପାଇଁ ଥରେ ସତର୍କ ବାଣୀ ଶୁଣାଇଥିଲେ । ହେଲେ ଅମାନିଆ ହାଣ୍ଡିଆ ବେପାର କରୁଥିବା ମହିଳାମାନେ ବିକ୍ରିର ଲୋଭ ସମ୍ଭାଳି ନପାରି ପୁଣି ବିକୁଥିଲେ । ଖବର ପାଇ ମହିଳା ପୋଲିସ ଘଟଣା ସ୍ଥଳରେ ପହଞ୍ଚି ବନ୍ଦକୁ ବିରୋଧ କରିବାକୁ ଯାଇ ଯୁକ୍ତିତର୍କ, ମାରପିଟ୍ ଉଭୟ ପକ୍ଷରୁ ହୋଇଥିଲା । ଦୁଇ ମହିଳା ମଦ ବେପାରୀ ମହିଳା ପୋଲିସଙ୍କ ଆକ୍ରମଣ କରିଥିବା ଭିଡିଓରୁ ଦେଖିବାକୁ ମିଳିଥିଲା । ହେଲେ ମହିଳା ପୋଲିସ ଆକ୍ରମଣକୁ ଭୟ ନକରି ଜଣେ ଆକ୍ରମଣକାରୀ ମହିଳାଙ୍କୁ ଥାନାକୁ ନେଇଥଗଲେ । ତାଙ୍କର ନାମ କାପୁରା ମାରାଣ୍ଡି ଘର କାଣ୍ଡରା । ବିଶୋଇ ପୋଲିସ ତାଙ୍କ ନାମରେ ୯୯/୨୦ କେଶ ମାମଲା ରୁଜୁ କରିଛି । ଅନ୍ୟ ଜଣେ ଆକ୍ରମଣକାରୀ ଫେରାର ଅଛନ୍ତି । ଚୋରା ମହୁଲି ମଦ କେଉଁଠି ରନ୍ଧା ହେଉଛି ? କିଏ ସେ ମଦ ମାଫିଆ ? ମହିଳା ମାନଙ୍କ ଦ୍ୱାରା ନିଜର ମଦ ବେପାର ସାମ୍ରାଜ୍ୟ ବଢ଼ାଉଛି । ଅଶାନ୍ତ କରୁଛି ବିଶୋଇ ଅଞ୍ଚଳକୁ  ମଦ ବିକ୍ରେତାଙ୍କ ପଛରେ କିଏ ଅଛି ?କାହା ସାହାସରେ ସେମାନେ ମହିଳା ପୋଲିସକୁ ଆକ୍ରମଣ କରିବା ପାଇଁ ସାହସ କଲେ ତାହାହିଁ ଚର୍ଚ୍ଚାର ବିଷୟ | ଅବକାରୀ ବିଭାଗ କାମକୁ ପୋଲିସ କରିବାକୁ ଯାଇ ଆକ୍ରମଣ ଶିକାର ହୋଇଛନ୍ତି । ତାହେଲେ ଅବକାରୀ ବିଭାଗ ରହି ଲାଭ କ’ଣ ? ଅବକାରୀ ବିଭାଗ ନିଷ୍କ୍ରିୟତା ନେଇ ସାଧାରଣରେ ଚର୍ଚ୍ଚା ଓ ସମାଲୋଚନା ।