ଚୋରୀ ଉଦ୍ୟମ ପଣ୍ଡ

ଚିକିଟୀ,(ପୁଷ୍ପାଞ୍ଜଳି ମିଶ୍ର):ଜରଡ଼ା ଥାନା ପାତ୍ରପୁର ତଳ ବସଷ୍ଟାଣ୍ଡରେ ଗତ ବାର ତାରିଖ ବିଳମ୍ବିତ ରାତିରେ ଦୁଇ ଦୋକାନରୁ ଚୋରି ଉଦ୍ୟମ ଭଣ୍ଡୁର ହେବା ଦିନକ ପରେ ପୁଣି ଗ୍ରାମ ବଜାର ସାହି ଦୋକାନ ରୁ ଚୋରୀ ଉଦ୍ୟମ ହୋଇଛି। ଗତକାଲି ବିଳମ୍ବିତ ରାତିରେ ଗ୍ରାମ ମଧ୍ୟରେ ଥିବା ବଜାର ସାହି ସ୍ଥିତ ସରସ୍ଵତୀ ସୁନା ଦୋକାନରୁ ଚୋର ମାନେ ପ୍ରଥମ ଗେଟ ତାଲା ଭାଙ୍ଗି ଭିତରକୁ ପଶିଥିବା ବେଳେ ଦ୍ୱିତୀୟ ଗେଟ ତାଲା ଭାଙ୍ଗି ନପାରି ଫେରି ଯାଇଥିଲେ। ଯାହାକି ଆଜି ଦୋକାନ ମାଲିକ ସକାଳେ ଦୋକାନ ଖୋଲିବାକୁ ଆସିଥିବା ବେଳେ ଜାଣିବାକୁ ପାଇ ଛନ୍ତି।ଉଭୟ ଚୋରୀ ଘଟଣା ସିସଟିଭି ରେ କଏଦ ହୋଇ ଥିଲା।ଅନ୍ୟ ପକ୍ଷରେ ଚୋର ବଢିବାରୁ ପୋଲିସ ପକ୍ଷରୁ ଘଟଣାକୁ ଗୁରୁତ୍ୱ ଦେଇ ପେଟ୍ରୋଲି ବ୍ୟବସ୍ଥା କୁ କଡାକଡି କରିଛନ୍ତି । ପୋଲିସ ଚୋରୀ ଉଦ୍ୟମ ସମ୍ପର୍କରେ ବିଶେଷ ତଥ୍ୟ ହାସଲ କରିଥିବା ଏହି ଗ୍ୟାଙ୍ଗ ଅତିଶିଘ୍ର ଧରାପଡ଼ିବେ ବୋଲି ଥାନା ଅଧିକାରୀ ସୂଚନା ମିଳିଛି ।