ଚୌଦ୍ଵାର ପୋଲିସ ହାତରେ ଚୋର ଗ୍ୟାଙ୍ଗ
ଚୌଦ୍ଵାର, (ଦୀପକ କୁମାର ବେଉରା):ପାର୍ବଣ ଋତୁ ଚାଲିଥିବାବେଳେ ଆଗକୁ ଅଛି ଚୌଦ୍ବାର ସହରର ଐତିହାସିକ ରୁପଯାତ୍ରା ଗଜଲକ୍ଷ୍ମୀ ପୂଜା । ଏନେଇ ଚୌଦ୍ବାର ସମେତ ଏହାର ଆଖପାଖ ଅଞ୍ଚଳ ହୋଇଉଠିଛି ଚଳଚଞ୍ଚଳ। ତେବେ ଏହାରି ଭିତରେ ଚୌଦ୍ବାର ପୋଲିସ କୁ ମିଳିଛି ଏକ ବଡ ସଫଳତା । ସୂଚନା ମୁତାବକ ଚଳିତ ମାସ ୬ ଏବଂ ୮ ତାରିଖ ରାତିରେ ଚୌଦ୍ବାର ଅଞ୍ଚଳରେ ଥିବା ଏକ ଦୋକାନ ଓ କେବିନର ଛାତ ଭାଙ୍ଗି ଭିତରେ ପଶି କିଛି ଦୁର୍ବୃତ୍ତ ଅର୍ଥ ଚୋରୀ କରିଥିଲେ। ଏନେଇ ଚୌଦ୍ବାର ପୋଲିସ ରେ ଅଭିଯୋଗ ହେବା ପରେ ଘଟଣାକୁ ଗୁରୁତର ସହ ନେଇ ଚୌଦ୍ବାର ପୁଲିସ ଏହାର ଅନୁସନ୍ଧାନ ଜାରୀ ରଖୁଥୁଲା। ତେବେ ଚୌଦ୍ବାର ପୋଲିସ ହାତରେ ୩ଜଣ ବ୍ୟକ୍ତି ଧରା ପଡ଼ିଥିବାର ଜଣାପଡିଛି; ସେମାନେ ହେଲେ ଓମ୍ ବେହେରା, ଓମ୍ ମହତ୍ ଓ ସୌମ୍ୟରଞ୍ଜନ ଭଦ୍ର ସେମାନେ ସମସ୍ତେ ଚୌଦ୍ବାର ଅଞ୍ଚଳର ହୋଇଥିବା ବେଳେ ଉକ୍ତ ଚୋରି ଘଟଣାରେ ସେମାନଙ୍କୁ ପୃଥକ୍ ଦୁଇଟି କେସ ନମ୍ବର ୫୩୪/୨୪ ଓ ୫୪୦/୨୪ ଅନୁଯାୟୀ ଭାରତୀୟ ନ୍ୟାସାଂହିତ ଧାରା ୩୦୩ (୨)/ ୩୩୪(୧)/୩(୫)ରେ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି।
