ଛତ୍ରପୁର ଏନଏସି ପକ୍ଷରୁ ପୁଣି ଏକ ଦୋକାନ ସିଲ୍
ଛତ୍ରପୁର, (ଓ୍ବାଇଏନ୍ଏସ୍):ଜିଲ୍ଲାରେ ଦିନକୁ ଦିନ କରୋନା ସଂକ୍ରମିତ ବିସ୍ଫୋରକ ସ୍ଥିତିରେ ପହଂଚିଲାଣି । ଏ ନେଇ ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ପୁଣି ଥରେ ଘରକୁ ଘର ବୁଲି ସ୍କ୍ରିନିଂ ଟେଷ୍ଟ ଆରମ୍ଭ ହୋଇଛି । ଜିଲ୍ଲା ପ୍ରଶାସନ ଓ ପୁଲିସ ପ୍ରଶାସନର ମିଳିତ ଆନୁକୂଲ୍ୟରେ ଜିଲ୍ଲାବାସୀଙ୍କ ସୁରକ୍ଷା ନିମନ୍ତେ ବିଭିନ୍ନ କାର୍ଯ୍ୟ କରାଯାଉଛି । ଜିଲ୍ଲାରେ ସୋମବାରଠାରୁ ଶୁକ୍ରବାର ପର୍ଯ୍ୟନ୍ତ ସକାଳ ୭ରୁ ଦିନ ୧୨ଟା ପର୍ଯ୍ୟନ୍ତ ଅତ୍ୟାବଶ୍ୟକୀୟ ସାମଗ୍ରୀ ଦୋକାନ ଖୋଲିବାକୁ କୁହାଯାଇଛି । ବଳକା ଦିନ ୧୨ରୁ ୭ଟା ୧୯ ଘଂଟା ସଟଡାଉନ ଘୋଷଣା କରାଯାଇଛି । ଜରୁରୀ କାମ ନଥିଲେ କୌଣସି ଲୋକ ବାହାରକୁ ନବାହାରିବା ନିମନ୍ତେ କୁହାଯାଇଛି । ଏହାସହ ଅମାନିଆ ମାନଙ୍କୁ ବିଭିନ୍ନ ପ୍ରକାର ସାବାଡ଼ କରାଯାଉଛି । ଏହି ପରିପ୍ରେକ୍ଷୀରେ ଗଞ୍ଜାମ ଜିଲ୍ଲାର ସଦର ମହକୁମା ଛତ୍ରପୁର ଏନଏସି ପକ୍ଷରୁ ଲୋକମାନଙ୍କ ସୁରକ୍ଷା ନିମନ୍ତେ ପ୍ରଶାସନିକ ଅଧିକାରୀଙ୍କଠାରୁ ଆରମ୍ଭ କରି ପୁଲିସ ଅଧିକାରୀମାନେ ବିଭିନ୍ନ ପ୍ରକାର ସଚେତନତା କରିଆସୁଛନ୍ତି । ତଥାପି ଅମାନିଆମାନେ ଏହାକୁ ବେଖାତିର କରି କୋଭିଡ଼ -୧୯ ନିୟମକୁ ଉଲ୍ଲଙ୍ଘନ କରୁଛନ୍ତି । ଆଜି ଏ ନେଇ ଛତ୍ରପୁର ଏନଏସି ପ୍ରଶାସନ ପକ୍ଷରୁ ଜଣେ ଦୋକାନୀଠାରୁ ଜରିମାନା ଆଦାୟ କରିବା ସହ କୋଭିଡ଼-୧୯ ନିୟମ ଉଲ୍ଲଙ୍ଘନ କରିବା ଓ ସାମାଜିକ ଦୂରତା ନରହିଥିବା ହେତୁ ୭ ଦିନ ପାଇଁ ସିଲ୍ କରାଯାଇଛି । ଏଥିରେ ଛତ୍ରପୁର ଏନଏସିର କାର୍ଯ୍ୟ ନିର୍ବାହୀ ଅଧିକାରୀ ଏନ.ଗଣେଶ ବାବୁ, ଅତିରିକ୍ତ ତହସିଲଦାର ଜସ୍ମିନ ପ୍ରଧାନ, ଛତ୍ରପୁର ଏନଏସିର ଯୁଗଳ କିଶୋର ଦାସ, ଏସ.ଦାଲେୟା ରେଡ୍ଡି, କୃଷ୍ଣପ୍ରସାଦ ମହାପାତ୍ର, ପ୍ରଭାକର ବେହେରା ଏବଂ ବହୁ ପୁଲିସ କର୍ମଚାରୀମାନେ ଉପସ୍ଥିତ ଥିଲେ
