ଛତ୍ରପୁର ନିର୍ବାଚନମଣ୍ଡଳୀ କଂଗ୍ରେସର ବନ୍ଧୁମିଳନ ଓ କର୍ମୀ ସମ୍ମିଳନୀ
ଛତ୍ରପୁର, (ଯୁଗାବ୍ଦ ନ୍ୟୁଜ):ଛତ୍ରପୁର ବ୍ଲକ ପୁରୁଣା ଛତ୍ରପୁର ଗ୍ରାମ ମା’ ବ୍ୟାଘ୍ରଦେବୀ ମନ୍ଦିର ପ୍ରାଙ୍ଗଣରେ ଛତ୍ରପୁର ନିର୍ବାଚନମଣ୍ଡଳୀ କଂଗ୍ରେସର ବନ୍ଧୁମିଳନ ଓ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ପ୍ରଦେଶ କଂଗ୍ରେସ କମିଟିର ସଦସ୍ୟ ଭବାନୀ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବନ୍ଧୁମିଳିନ ଓ କର୍ମୀ ସମ୍ମିଳନୀରେ ପୂର୍ବତନ ପିସିସି ସଦସ୍ୟ ଅଶୋକ କୁମାର ପଟ୍ଟନାୟକ ଓ ରାମଚନ୍ଦ୍ର ବେହେରା,ଛତ୍ରପୁର ନିର୍ବାଚନମଣ୍ଡଳୀର କଂଗ୍ରେସ ନେତା ଭାଗରିଥୀ ବେହେରା, ବରିଷ୍ଠ ନେତା ଭୋକାଲି ସେଠୀ, ଗଞ୍ଜାମ ବ୍ଲକ ସଭାପତି ଏନ୍.ଗଣେଶ ରେଡ୍ଡୀ, ଛତ୍ରପୁର ନଗର ସଭାପତି କାଳିଆ ରାଉଳ, ଗଣପତି ବାରିକ, ପୂର୍ବତନ ସରପଞ୍ଚ ଡି.ରାମସ୍ୱାମୀ ରେଡ୍ଡୀ ଓ ଟି.କ୍ରିଷ୍ଣା ରେଡ୍ଡୀ, ବିକ୍ରମ ନାହାକ, କାଳୁଚରଣ ତ୍ରିପାଠୀ, ଆଦିତ୍ୟ ଦାଶ, ଗୁରୁ ରେଡ୍ଡୀ, ଗଣପତି ସେଠୀ, ଏମ. ହାଡୁ, କଂଗ୍ରେସ ଛାତ୍ରନେତା ଇଜୁ ଆମିନ୍ ଖାନ୍, ଜଲାଲ ଖାନ୍, ମହେଶ କୁମାର ଗୌଡ, ରଞ୍ଜିତ୍ ରଥ ଓ ଚକ୍ରପାଣି ପଲାଇ, ଇଶ୍ୱର ଦଳାଇ, ସୁରେନ୍ଦ୍ର ନାଥ ପ୍ରଧାନ ପ୍ରମୁଖ ବହୁ କଂଗ୍ରେ ନେତା ଓ କର୍ମୀ ଉପସ୍ଥିତ ରହି ଦଳୀୟ ସ୍ଥିତିକୁ ସୁଦୃଢ଼ ଦିଗରେ ମତାମତ ରଖିଥିଲେ । ଛତ୍ରପୁର ନିର୍ବାଚନମଣ୍ଡଳୀର ଦଳର ସ୍ଥିତି ମଜବୁତ ଆଣିବା ପାଇଁ ପୁରୁଣା କଂଗ୍ରେସ କର୍ମୀ ଓ ଆଗଧାଡିର ନେତାମାନଙ୍କୁ ଏକଜୁଟ କରି ଆଗାମୀ କାର୍ଯ୍ୟକ୍ରମ ହାତକୁ ନିଆଯିବାକୁ ନିଷ୍ପତି ହୋଇଥିଲା । ସେହିପରି ବର୍ତ୍ତମାନ ସ୍ଥିତିରେ ବିରୋଧୀ ଦଳ ଭାବେ ଶାସକ ଦଳର ଜନମାରଣ ନୀତି ଓ ଦୁର୍ନୀତି ସଂପର୍କରେ ଆନ୍ଦୋଳନକୁ ଜାରି ରଖିବା ପାଇଁ ଆଜିର ଏହି ବନ୍ଧୁମିଳନ ଓ କର୍ମୀ ସମ୍ମିଳନୀରେ ମୁଖ୍ୟ ପ୍ରସଙ୍ଗ ରହିଥିଲା ।
