ଛତ୍ରପୁର ରେଳଷ୍ଟେସନରେ ଆରପିଏଫ୍ ପକ୍ଷରୁ ସୁରକ୍ଷା ସଚେତନା
ଛତ୍ରପୁର (ଦେବଦତ୍ତ ମହାରଣା):ଛତ୍ରପୁର ଆରପିଏଫ୍ ଆଉଟପୋଷ୍ଟ ପକ୍ଷରୁ ରବିବାର ସ୍ଥାନୀୟ ରେଳଷ୍ଟେସନ ଠାରେ ସୁରକ୍ଷା ସଂକ୍ରାନ୍ତରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆଉଟପୋଷ୍ଟର ଏଏସ୍ଆଇ ଏସ. ଅର୍ଜୁନ ପାତ୍ରଙ୍କ ପୌରହିତ୍ୟରେ ଅଞ୍ଚଳବାସୀଙ୍କୁ ଶୋଭାଯାତ୍ରା ମାଧ୍ୟମରେ ରେଳଧାରଣା କିଭଳି ସାବଧାନର ସହ ପାର ହେବା, କୌଣସି ଦୁର୍ଘଟଣା ଆଶଙ୍କା ଥିଲେ ୧୮୨ ନମ୍ବରକୁ ଫୋନ୍ କରିବା, ଚଳନ୍ତା ଟ୍ରେନ୍ ଉପରକୁ ଟେକାପଥର ନଫୋପାଡିବା, ବିନା ଟିକେଟ୍ରେ ଭ୍ରମଣ ନ କରିବା, ସର୍ବଦା ମାସ୍କ ବ୍ୟବହାର ଏବଂ ସାମାଜିକ ଦୂରତା ବଜାୟ ରଖିବା ଆଦି ଉପରେ ସଚେତନତା କରାଯାଇଥିଲା । ଏହି ସଚେତନତା କାର୍ଯ୍ୟକ୍ରମରେ ଆଉଟପୋଷ୍ଟର ସମସ୍ତ ଷ୍ଟାଫ ସାମିଲ ହୋଇଥିଲେ ।
