ଜଙ୍ଗଲ ସୁରକ୍ଷା ଆମରି ଦୀକ୍ଷା

ଗାଙ୍ଗପୁର , (ଯୁଗାବ୍ଦ ନ୍ୟୁଜ) : ଓଡିଶା ବନାଞ୍ଚଳ ଉର୍ଣ୍ଣୟନ ପ୍ରକଳ୍ପ ଭାଗ ଜାପାନ ଅନ୍ତର୍ଜାତୀୟ ସହଯୋଗୀ ସଂସ୍ଥାର ସହାୟତାରେ ଜଙ୍ଗଲ ବିଭାଗ ଅଧୀନରେ କାର୍ଯ୍ୟକାରୀ ହୋଇଯାଇଛି । ଉକ୍ତ କାର୍ଯ୍ୟକ୍ରମ ତୃତୀୟ ବର୍ଷ କାର୍ଯ୍ୟକାରୀ ହେବାକୁ ଥିବା କେନ୍ଦ୍ରୀୟ ବନାଞ୍ଚଳ ଓ ତାରସିଂ ବନାଞ୍ଚଳ ପାଇଁ ନିର୍ଦେଶନାମା ଜାରି ହୋଇସାରିବା ପରେ ଏହି ପ୍ରକଳ୍ପ କୋଉ କୋଉ ବନ ସଂରକ୍ଷଣ ସମିତି ରେ କାର୍ଯ୍ୟକାରୀ ହେବ ଏକ ପ୍ରକାର ଚଂଚକତାର ବାତାବରଣ ସୃଷ୍ଟି କରିଛି । ଇତି ମଧ୍ୟରେ କେନ୍ଦ୍ରୀୟ ବନାଞ୍ଚଳ ଅଧୀନରେ ଗାଙ୍ଗପୁର ବନପାଳଙ୍କ ଅଂଚଳରେ ଅବସ୍ଥାପିତ ଗୋପନଗର ଏବଂ କୁମୁଣ୍ଡି ଗ୍ରାମ ରେ ସମସ୍ତ ଗ୍ରାମ ବାସି ଓ ମହିଳା ସ୍ୱୟଂ ସହାୟକ ଗୋଷ୍ଠୀ ମାନଙ୍କୁ ନେଇ ସ୍ଥାନୀୟ ବନପାଳ ଭେଙ୍କଟ ଦୋରାଙ୍କ ଉପସ୍ଥିତିରେ ଜଙ୍ଗଲ ସୁରକ୍ଷା ପାଇଁ ଏକ ବୈଠକ ଅନୁଷ୍ଠିତ ହୋଇଯାଇଛି । ଗ୍ରାମବାସୀଙ୍କ ଜଙ୍ଗଲ ପ୍ରତି ଅନାବିଳ ପ୍ରେମ ଏବଂ ମହିଳା ମାନଙ୍କ ଜଙ୍ଗଲକୁ ଜଗିବାରେ ଅହେତୁକ ସାହାସ ଉପସ୍ଥିତ ଥିବା କ୍ଷେତ୍ରୀୟ ପରିଚାଳନା ସଂସ୍ଥାନର ଦୁଇ ସଂଯୋଜକ ସନ୍ତୋଷ କୁମାର ଡାକୁଆ ଓ ପ୍ରଶାନ୍ତ ସାହୁଙ୍କୁ ବିସ୍ମିତ କରିଥିଲା । ଗ୍ରାମବାସୀ ମାନେ ଜଙ୍ଗଲ କୁ ନିଜସ୍ୱ ସମ୍ପତି ପରି ସୁରକ୍ଷା ର ଆଢୁଆଳରେ ରଖିବା ପାଇଁ ଦୀକ୍ଷାରେ ଅଭିମନ୍ତ୍ରୀତ ହୋଇଥିଲେ. ପ୍ରକଳ୍ପ କାର୍ଯ୍ୟକାରୀ ହେବ ପୂର୍ବରୁ ଖୋଲା ଜଙ୍ଗଲ ଜାଗା ସର୍ବେକ୍ଷଣ ତଥା ନୂତନ ଜଙ୍ଗଲ ପାଇଁ ଜାଗା ଚୟନ ଏବଂ ବନସୁରକ୍ଷା ସଭାଗୃହ ତଥା ବିଭିନ୍ନ ପ୍ରକାର ଉତ୍ପାଦନ ଅଭିବୃଦ୍ଧି ଗୃହ ନିର୍ମାଣ ପାଇଁ ରାଜସ୍ବ ବିଭାଗର ସହଭାଗିତାରେ ଉପଯୁକ୍ତ ଜାଗା ନିରୂପଣ କରିବା ପାଇଁ ସଂଯୋଜକ ଗ୍ରାମବାସୀଙ୍କ ସହଯୋଗ କାମନା କରିଥିଲେ । କୁମୁଣ୍ଡି ବନ ସୁରକ୍ଷା ସମିତିରେ ଚୂଡାନ୍ତ ତଥା ତୃତୀୟ ସାଧାରଣ ବୈଠକ ଓଡିଶା ବନାଞ୍ଚଳ ଉର୍ଣ୍ଣୟନ ପ୍ରକଳ୍ପ ଭାଗ ଦୁଇ କାର୍ଯ୍ୟ କାରିତାର ବୈଠକ ସମସ୍ତଙ୍କ ଉପସ୍ତିତିରେ ଅନୁଷ୍ଠିତ ହୋଇଯାଇଛି । ଉପସ୍ଥିତ ସମସ୍ତ ସଭ୍ୟାଙ୍କୁ ବନରଖି ପ୍ରଦୀପ ଭୂୟାଁ ଏବଂ ମଦନ ମୋହନ ରାଉଳ ଧନ୍ୟବାଦ ଜ୍ଞାପନ କରିବା ସହିତ ନୂତନ ବର୍ଷର ଶୁଭେଚ୍ଛା ଜଣାଇ ଥିଲେ । ଏକାଭିମୂଖିକରଣ ଏହି ପ୍ରକଳ୍ପର ମୁଖ୍ୟ ଆଭିମୁଖ୍ୟକୁ ବୁଦ୍ଧିଜୀବି ମହଲରେ ଖୁସି ଓ ଚର୍ଚାର ବିଷୟ ପାଲିଟି ଥିବାର ଲକ୍ଷ କରାଯାଉଛି ।