ଜଣେ କୋଭିଡ୍ ଯୋଦ୍ଧାଙ୍କ ସମେତ ୬୦ କରୋନା ଆକ୍ରାନ୍ତ
କନ୍ଧମାଳ,(ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜିଲ୍ଲାରେ ପୁଣି ରବିବାର ଜଣେ କୋଭିଡ୍ ଯୋଦ୍ଧାଙ୍କ ସମେତ ୬୦ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। କୋଭିଡ୍ ଯୋଦ୍ଧା ଜଣକ ଜଣେ ପୁଲିସ୍ କନେଷ୍ଟବଲ୍। ଚିହ୍ନଟ ୬୦ ଜଣଙ୍କ ମଧ୍ୟରୁ ୪୦ ଜଣ ପୁରୁଷ ଓ ୨୦ ଜଣ ମହିଳା ଅଛନ୍ତି। କଣ୍ଟେନ୍ମେଣ୍ଟ୍ ଜୋନରୁ ୨୯ ଜଣ ଚିହ୍ନଟ ହୋଇଥିବା ବେଳେ କଣ୍ଟେନ୍ମେଣ୍ଟ ଜୋନ ବାହାରୁ ୨୩ ଜଣ, କ୍ବାରେଣ୍ଟାଇନ୍ ସେଣ୍ଟରରୁ ୩ ଜଣ ଓ ଜିଲ୍ଲା ବାହାରୁ ୪ ଜଣ ଚିହ୍ନଟ ହୋଇଥିବା ଜଣା ପଡିଛି। ସର୍ବାଧିକ ଦାରିଙ୍ଗବାଡିରୁ ୧୯ ଜଣ ଚିହ୍ନଟ ହୋଇଥିବା ବେଳେ ଫୁଲବାଣୀରୁ ଜଣେ, ଜି ଉଦୟଗିରିରୁ ୮, କେ ନୁଆଁଗାଁରୁ ୨, କୋଟଗଡରୁ ଜଣେ, ଚକାପାଦରୁ ୭, ତୁମୁଡିବନ୍ଧରୁ ୧୧, ରାଇକିଆରୁ ଜଣେ, ବାଲିଗୁଡାରୁ ଜଣେ, ଫିରିଙ୍ଗିଆରୁ ୩, ଖଜୁରିପଡାରୁ ୩ଜଣ ଚିହ୍ନଟ ହୋଇଛନ୍ତି। ବର୍ତମାନ ସୁଦ୍ଧା ଜିଲ୍ଲାରୁ ୨୧୮୬ ଜଣ ସଂକ୍ରମିତ ଚିହ୍ନଟ ହୋଇ ସାରିଛନ୍ତି। ସେମାନଙ୍କ ମଧ୍ୟରୁ ୭ ଜଣଙ୍କର ମୃତ୍ୟୁ ଓ ୧୭୩୨ ଜଣ ସୁସ୍ଥ ହୋଇଥିବା ବେଳେ ଏବେ ୪୪୭ ଜଣ ଚିକିତ୍ସା ହେଉଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
