ଜରିପାଲ ତଳେ ବିତୁଛି ରବୀନ୍ଦ୍ରଙ୍କ ଜୀବନ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲାର ସମତଳ ଅଂଚଳ ରୂପେ ପରିଚିତ କାଶୀନଗର ବ୍ଲକରେ ଏବେବି ପହଂଚିନି ଗରିବ ଲୋକଙ୍କ ଆବାସ ଘର ଯୋଜନା. ଆମ ପ୍ରତିନିଧି ତାରିଣୀ ପ୍ରସାଦ ପଣ୍ଡା ଗଜପତି ଜିଲ୍ଲାର ସମତଳ ଅଂଚଳ କୁହାଯାଉଥିବା କାଶୀନଗର ବ୍ଲକର ଖଣ୍ଡାବା ପଂଚାୟତର ପୁରୁଣା ବାଡ଼ୀଗାଁରେ ରହୁଥିବା ରବୀନ୍ଦ୍ର ଅଧିକାରୀଙ୍କୁ ସାକ୍ଷାତ କରିଥିଲେ | ସେ ଜଣେ ନିହାତି ଗରୀବ ତାଙ୍କ ବାପା ଅମଳରେ ବଂଶଧରା ନଦୀରେ 1980 ବନ୍ୟା ହୋଇ ସର୍ବସ୍ବ ହରାଇଥିଲେ, ହେଲେ ସେବେ ଠାରୁ ରବୀନ୍ଦ୍ରଙ୍କ ଭାଗ୍ୟରେ ଆବାସ ଘର ଗୋଟିଏ ମିଳିନାହିଁ | ପଞ୍ଚାୟତ, ବ୍ଲକ, ଜିଲ୍ଲାପାଳଙ୍କୁ ଅନେକ ଥର ଗୁହାରି କରିଛନ୍ତି, ହେଲେ ଏବେଯାଏଁ ଘର ଖଣ୍ଡିଏ ମିଳିନାହିଁ. କଳା ତରୁପାଲିନ ପକାଇ ନିଜ ପରିବାରଙ୍କୁ ଧରି ଝାଟିମାଟି କୁଡିଆରେ ଦୁଃଖଦ ଓ ବିପଦପୂର୍ଣ୍ଣ ଜୀବନ ବିତାଇ ଆସୁଛନ୍ତି. ଶ୍ରମଭିତ୍ତିକ କାମ କରି ଅତ୍ୟନ୍ତ କଷ୍ଟରେ ପିଲାଙ୍କୁ ପାଠ ପଢାଉଛନ୍ତି. ପ୍ରଶାସନ ତୁରନ୍ତ ତାଙ୍କର ବିପଦପୂର୍ଣ୍ଣ ଦୁଃଖଦ ଜୀବନ ନେଇ ଅନୁଧ୍ୟାନ କରି ଆବାସ ଯୋଜନାରେ ଘରଟିଏ ଯୋଗାଇ ଦେବା ପାଇଁ ରବୀନ୍ଦ୍ର ଅନୁରୋଧ କରିଛନ୍ତି.