ଜର୍ଜ ତିର୍କୀଙ୍କ ରାଇରଙ୍ଗପୁର ଗସ୍ତ
ରାଇରଙ୍ଗପୁର,(ଯୁଗାବ୍ଦ ନ୍ୟୁଜ୍): ମୟୂରଭଂଜ ଜିଲ୍ଲା କଂଗ୍ରେସର ପୁନର୍ଗଠନ ସହ ସାଂଗଠନିକ ଶକ୍ତିବୃଦ୍ଧି ପାଇଁ ପୂର୍ବତନ ବିଧାୟକ ତଥା ତଥା ଓଡ଼ିଶାର ବିଶିଷ୍ଟ ଆଦିବାସୀ ନେତା ତଥା ମୟୂରଭଞ୍ଜ ଜିଲ୍ଲାର କଂଗ୍ରେସ ଦଳର ପର୍ୟ୍ୟବେକ୍ଷକ ଜର୍ଜ ତିର୍କୀ ସୋମବାର ରାଇରଙ୍ଗପୁର ପୂର୍ତ୍ତ ବିଭାଗ ଡାକବଙ୍ଗଳା ରେ ପହଞ୍ଚି ରାଇରଙ୍ଗପୁର,ସାରସକଣା ଏବଂ ଯଶିପୁର ନିର୍ବାଚନ ମଣ୍ଡଳୀର କଂଗ୍ରେସ ଦଳର କର୍ମି,ଯୁବ, ଛାତ୍ର,କୃଷକ, ମହିଳା କର୍ମକର୍ତ୍ତା ମାନଙ୍କ ସହିତ ଦିର୍ଘ ସମୟ ଧରି ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ଦଳର ସ୍ଥିତି ସଂପର୍କରେ ମତାମତ ନେଇଥିଲେ ।ଦଳର କର୍ମିମାନେ ଝାଡଖଣ୍ଡ ଦଳ ସହ ମେଣ୍ଟ ଯୋଗୁଁ କଂଗ୍ରେସର ବିପର୍ୟ୍ୟୟ ହୋଇଥିଲା ଏବଂ ଆଜିଯାଏଁ କର୍ମି ମାନଙ୍କ ମନୋବଳ ଭାଙ୍ଗି ଯାଇଛି । ଆଗକୁ ଯେଭଳି କଂଗ୍ରେସ ସହ ମେଣ୍ଟ ହେବ ନାହିଁ ସେଥିପାଇଁ ଜିଲ୍ଲା ପର୍ୟ୍ୟବେକ୍ଷକ ଙ୍କୁ କର୍ମିମାନେ ନିବେଦନ କରିଥିଲେ । ଏହି ବୈଠକରେ ପୂର୍ବରୁ ବଚନ ସାଂସଦ ସୁଶୀଳା ତିରିଆ, ପୂର୍ବତନ ବିଧାୟକ ଲକ୍ଷ୍ମଣ ମାଝୀ, ଯୋଗେଶ ଅଗ୍ରୱାଲ, ହେମନ୍ତ ଦାସ, ଅରବିନ୍ଦ ଦାସ, ବସନ୍ତ ପଟ୍ଟନାୟକଙ୍କ ସହ ବହୁ ଦଳୀୟ କର୍ମୀ ସାମିଲ ହୋଇଥିଲେ । ସମସ୍ତେ ମିଳିମିଶି ଦଳୀୟ କନ୍ଦଳକୁ ଭୁଲି କଂଗ୍ରେସ ସଂଗଠନ କୁ ସୁଦୃଢ କରିବା ପାଇଁ ଜର୍ଜ ତିର୍କୀ ସମସ୍ତଙ୍କୁ ନିବେଦନ କରିଥିଲେ ।
