ଜଳରେ ବୁଡି ଯୁବକ ମୃତ

ଝାରସୁଗୁଡା , ଝାରସୁୁଗୁଡା ଜିଲ୍ଲା ବେଲପାହାଡ ପିପିଲିମାଳ ନୂଆ ବନ୍ଧରେ ବୁଡି ଜଣେ ଯୁବକଙ୍କ ମୃତ୍ୟୁ ହୋଇଛି । ମିଳିଥିବା ଖବର ଅନୁଯାୟୀ ଯୁବକ ମହମ୍ମଦ ରସିଦ (୨୩) ବେଲପାହାଡ ଶ୍ରୀରାମ ନଗର ର ସଂପର୍କିୟ ଘରକୁ ବୁଲିବାକୁ ଆସିଥିଲେ । ଏହା ପରେ କିଛି ସମୟ ପରେ ସେ ନୂଆବନ୍ଧକୁ ଗାଧୋଇବାକୁ ଯାଇଥିଲେ । ଗାଧୋଉଥିବା ସମୟରେ ଅସାବଧାନତା କାରଣରୁ ତାଙ୍କର ଗୋଡ ଖସିଯାଇଥିଲା । ଯୁବକ ଜଣକ ପାଣିରେ ବୁଡି ଜୀବନ ଚାଲିଯାଇଛି ।ପୋଲିସ ମୃତଦେହକୁ ଜବତ କରି ପୋଷ୍ଟ ମୋର୍ଟମ ପାଇଁ ମେଡିକାଲକୁ ପଠାଇଛି । ପୋଲିସ ତରଫରୁ ଏକ ଅପମୃତ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।