ଜାତୀୟ ଉଦ୍ୟୋଗକାରୀ ଦିବସ ପାଳିତ

ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ଖଲ୍ଲିକୋଟ ଏକକ ବିଶ୍ୱବିଦ୍ୟାଳୟ ବାଣିଜ୍ୟ ବିଭାଗ ଆନୁକୂଲ୍ୟରେ ଜାତୀୟ ଉଦ୍ୟୋଗକାରୀ ଦିବସ ଉପଲକ୍ଷେ ‘ ଉଦ୍ୟୋଗ : ସାମାଜିକ ପ୍ରଗତିର ମୂଳମନ୍ତ୍ର ‘ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି l କୁଳପତି ପ୍ରଫେସର ଗୀତାଞ୍ଜଳି ଦାଶଙ୍କ ପ୍ରେରଣା ଓ ବିଭାଗ ମୁଖ୍ୟ ଡକ୍ଟର ଅନ୍ନପୂର୍ଣ୍ଣା ସାହୁଙ୍କ ପୌରୋହିତ୍ୟରେ ଅନୁଷ୍ଠିତ ଏହି ସଭାରେ ମୁଖ୍ୟ ବକ୍ତା ଭାବରେ ଯୋଗଦେଇ ବାଣିଜ୍ୟ ବିଭାଗର ପ୍ରାଧ୍ୟାପକ ଡକ୍ଟର ଗୋପାଳ ପାଣିଗ୍ରାହୀ ନୂତନ କର୍ମନିଯୁକ୍ତି, ନୂତନ ଜ୍ଞାନ କୌଶଳ ତଥା ସାମାଜିକ – ଆର୍ଥନୀତିକ ପ୍ରଗତିରେ ଉଦ୍ୟୋଗକାରିତାର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରିଥିଲେ l ଏହି କାର୍ଯ୍ୟକ୍ରମରେ ବିଭାଗର ସମସ୍ତ ଅଧ୍ୟାପକ ଅଧ୍ୟାପିକା ଙ୍କ ସମେତ ଶତାଧିକ ଛାତ୍ରଛାତ୍ରୀ ସକ୍ରିୟ ଅଂଶ ଗ୍ରହଣ କରିଥିଲେ l