ଜାତୀୟ କ୍ରୀଡା ଦିବସ ଉପଲକ୍ଷେ ତ୍ରି ଦିବସୟ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଉଦଯାପିତ

ବାଲିଗୁଡା, (ସଞ୍ଜୟ କୁମାର ପାଣିଗ୍ରାହୀ):ଜାତୀୟ କ୍ରୀଡା ଦିବସ ଉପଲକ୍ଷେ ବାଲିଗୁଡା “ବିଜୁ ପଟ୍ଟନାୟକ ଅନ୍ତଃ କ୍ରିଡା କକ୍ଷ” ଠାରେ ଉପଖଣ୍ଡ କ୍ରିଡା ସଂଘ ଆନୁକୁଲ୍ୟରେ ଏକ ତ୍ରି ଦିବସୀୟ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ପ୍ରଥମ ଦିନ ଉଦଘାଟନୀ ଉତ୍ସବରେ ସଂଘ ର ସମ୍ପାଦକ ଡଃ. ସୁଶାନ୍ତ କୁମାର ଦାସ ଅତିଥି ଭାବେ ଯୋଗଦେଇ ପ୍ରତିଯୋଗୀ ମାନଙ୍କର କ୍ରୀଡା ମନୋଭାବ ର ଖୁବ ପ୍ରଶଂସା କରିଥିଲେ । ଏହି ଟୁର୍ଣ୍ଣାମେଣ୍ଟ ରେ ପାଞ୍ଚଟି ବିଭାଗ ଜୁନିଅର ସିଙ୍ଗଲସ , ଜୁନିଅର ଡବଲସ, ମହିଳା ସିଙ୍ଗଲସ, ସିନିୟର ସିଙ୍ଗଲସ, ସିନିଅର ଡବଲସ ରେ ମୋଟ 37 ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ । ଶେଷ ତଥା ଉଦଯାପନୀ ଉତ୍ସବ ରେ ସଂଘର ବରିଷ୍ଠ ସଦସ୍ୟ ତଥା ବରିଷ୍ଠ ସାମ୍ବାଦିକ ସତ୍ୟ ନାରାୟଣ ପାଢୀ ଏବଂ ସଂଘର କୋଷାଧକ୍ଷ ମାନସ ରଞ୍ଜନ ଆଚାର୍ଯ୍ୟ ଅତିଥି ଭାବେ ଯୋଗଦେଇ ପ୍ରତିଯୋଗୀ ମାନଙ୍କୁ ଉତ୍ସାହିତ କରି କୃତୀ ପ୍ରତିଯୋଗୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଏହି ଟୁର୍ଣ୍ଣାମେଣ୍ଟ କୁ କ୍ରୀଡା ଶିକ୍ଷକ ଗଙ୍ଗାଧର ପଣ୍ଡା, ଦେବେନ୍ଦ୍ର ଦଣ୍ଡିଆ, ରୂପକ କୁମାର ନାୟକ, ଅମରନାଥ ସାବତ ପ୍ରମୁଖ ସହଯୋଗୀ ମାନେ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ । ଶେଷରେ ରଜନୀ କାନ୍ତ ସାହୁ ଧନ୍ୟବାଦ ଅର୍ପଣ କରିଥିଲେ l