ଜାତୀୟ ସଡକ ସୁରକ୍ଷା ସପ୍ତାହ ଅବସରରେ ସାଇକେଲ ରାଲି

ଛତ୍ରପୁର, (ଦେବଦତ୍ତ ମହାରଣା):ଜାତୀୟ ସଡକ ସୁରକ୍ଷା ସପ୍ତାହ ଅବସରରେ ଗଞ୍ଜାମ ଆଞ୍ଚଳିକ ପରିବହନ ପ୍ରାଧିକରଣ ପକ୍ଷରୁ ସାଇକେଲ ରାଲି ଛତ୍ରପୁର ସ୍ଥିତ ପୋଲିସ୍ ପଡିଆ ଠାରୁ ବାହାରି ଅଗସ୍ତି ନୂଆଗାଁ ସ୍ଥିତ କାର୍ଯ୍ୟାଳୟ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା । ଏହାକୁ ଛତ୍ରପୁର ଉପଜିଲ୍ଲାପାଳ ପ୍ରସନ୍ନ କୁମାର ପାତ୍ର, ପୁତ୍ତ ବିଭାଗର ନିର୍ବାହୀ ଯନ୍ତ୍ରୀ ତପନ କୁମାର ପାଣିଗ୍ରାହୀ, ଗଞ୍ଜାମ ଆରଟିଓ ମାନସ ରଞ୍ଜନ ସାହୁ, ଏମଭିଆଇ ରବିନ୍ଦ୍ର ନାଥ ଜେନା ପ୍ରମୁଖ ପତାକା ଦେଖାଇ ଶୁଭାରମ୍ଭ କରିଥିଲେ । ଛତ୍ରପୁର ସହରର ମୁଖ୍ୟତଃ ଯୁବ ଗୋଷ୍ଠୀ ମାନେ ଏହି ରାଲିରେ ସାମିଲ ହୋଇ ସଡକ ସୁରକ୍ଷା ଜୀବନ ରକ୍ଷା ଉପରେ ସଚେତନତା କରିବା ସହିତ ଦୁଇ ଚକିଆ ଯାନ ଚଳାଇବା ବେଳେ ହେଲମେଟ ବ୍ୟବହାର କରିବା ଏବଂ ଚାରି ଚକିଆ ଯାନ ଚଳାଇବା ବେଳେ ସିଟ ବ୍ୟାଲ୍ଟ ପିନ୍ଧିବା ପାଇଁ ସଚେତନତା କରିଥିଲେ । ସମସ୍ତ କାର୍ଯ୍ୟକ୍ରମକୁ ଗଞ୍ଜାମ ଆଂଚଳିକ ପରିବହନ କାର୍ଯ୍ୟାଳୟର ବହୁ କର୍ମଚାରୀ ପରିଚାଳନାରେ ସହ ଯୋଗ କରିଥିଲେ ।