ଜାମୁ ଗଛରୁ ଝୁଲନ୍ତା ଶବ ଉଦ୍ଧାର

ରାଇରଙ୍ଗପୁର,(ଅକ୍ଷୟ କୁମାର ବିଶ୍ୱାଳ):ମୟୂରଭଂଜ ଜିଲ୍ଲାର ବିଶୋଇ ଥାନା ଅଧିନସ୍ଥ ମଣଦା ଫାଣ୍ଡି ଅନ୍ତର୍ଗତ ରେଙ୍ଗଲବେଡା ଗ୍ରାମର ଜନୈକ ବ୍ୟକ୍ତି ଗାଁ ପାଖ ପୋଖରୀହୁଡା ପାଖରେ ଥିବା ଛୋଟ ଜାମୁକୋଳି ଗଛରେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ସୂଚନାଯୋଗ୍ୟ ଯେ ରେଙ୍ଗଲବେଡା ଗାଁ ର କିଛି ଲୋକ ଶନିବାର ସକାଳେ ଶୌଚ ପାଇଁ ଯାଉଥିବାବେଳେ ଜାମୁକୋଳି ଗଛର ଝୁଲନ୍ତା ଶବ ଦେଖି ଥାନାକୁ ଖବର ଦେଇଥିଲେ ।ପରେ ଗାଁ ର ନାରାନ ମୁର୍ମୁ (୫୫)ଙ୍କ ଶବ ଚିହ୍ନଟ କରାଯାଇଥିଲା ।ପରେ ଅପମୃତ୍ୟୁ ମାମଲା ରୁଜୁ କରାଯାଇ ରାଇରଙ୍ଗପୁର ହସ୍ପିଟାଲକୁ ଶବ ବ୍ୟବଚ୍ଛେଦ କରାଯିବା ପାଇଁ ବ୍ୟବସ୍ଥା କରାଯାଇଥିଲା । ମୃତ୍ୟୁର କାରଣ ଅସ୍ପଷ୍ଟ ।