ଜିଜିପି କଲୋନୀଠାରେ ମା’ ମଙ୍ଗଳାଙ୍କ ପ୍ରତିମା ସ୍ଥାପନା
ଭୁବନେଶ୍ୱର, (ଯୁଗାବ୍ଦ ନ୍ୟୁଜ) : ରସୁଲଗଡ଼ସ୍ଥିତ ଜିଜିପି କଲୋନୀଠାରେ ମା’ ମଙ୍ଗଳାଙ୍କ ପ୍ରତିମା ସ୍ଥାପନା କରାଯାଇଥିବା ଦେଖିବାକୁ ମିଳିଛି । ମା’ଙ୍କ ପ୍ରତିମା ସ୍ଥାପନା ଲାଗି ପୁରୀ ଏବଂ କାକଟପୁର ମା’ଙ୍କ ପୀଠରୁ ଆଜ୍ଞାମାଳ ଆସିବା ପରେ ବୁଧବାର ଦିନ ସ୍ଥାପନା ସ୍ଥଳରେ ବୈଦିକ ରୀତିନୀତି ଅନୁସାରେ ହୋମ ଯଜ୍ଞ କରାଯାଇଥିବା ଦେଖିବାକୁ ମିଳିଥିଲା । ସ୍ଥାପନା ସ୍ଥଳକୁ ସୁସଜିତ କରାଯିବା ସହ ବୈଦିକ ବ୍ରାହ୍ମଣଙ୍କ ଦ୍ୱାରା ସମସ୍ତ ପ୍ରକାର ପୂଜାର୍ଚ୍ଚନା କରାଯାଇ ମା’ଙ୍କ ପ୍ରତିମାର ସମସ୍ତ ପ୍ରକାର ନୀତିକାନ୍ତି କରାଯାଇଥିଲା ଏବଂ ଏହା ପରେ ମା’ଙ୍କ ମାଜଣା କରାଯାଇଥିଲା । ଏଥିରେ ଉପସ୍ଥିତ ଥିବା ସମସ୍ତ ଶ୍ରଦ୍ଧାଳୁ ତଥା ଭ୍କ୍ତ ଏବଂ ମୁଖ୍ୟକର୍ତାଙ୍କ ଦ୍ୱାରା ମା’ଙ୍କ ସ୍ନାନାଦି କାର୍ଯ୍ୟ ସମାପନ କରାଯାଇଥିଲା । ଏହା ପରେ ମା’ଙ୍କୁ ସ୍ଥାପନ କରାଯାଇ ବେଶ କରାଯାଇଥିଲା । ଏହା ପରେ ବ୍ରାହ୍ମଣଙ୍କ ଦ୍ୱାରା ମନ୍ତ୍ରଧ୍ୱନୀ ସହ ମନ୍ତ୍ରପାଠ କରାଯାଇ ମା’ଙ୍କୁ ଆବାହନ କରାଯାଇଥିଲା । ସକାଳୁ ପୂଜା କାର୍ଯ୍ୟ ଆରମ୍ଭ ହୋଇ ପ୍ରାୟ ୨ ଦିନ ଧରି ଚାଲୁ ରହିଥିବାବେଳେ ପ୍ରଥମ ଦିନ ସଂଧ୍ୟାରେ ଭଜନ କୀର୍ତନ କାର୍ଯ୍ୟକ୍ରମ କରଯାଇଥିଲା । ଏହା ସଂଧ୍ୟାରେ ଭ୍କ୍ତଙ୍କୁ ପ୍ରସାଦ ସେବନ ଲାଗି ବ୍ୟବସ୍ଥା କରାଯାଇଥିଲା ।
